2010 , December ;
ရှောင်းကျန့်အသက် 23နှစ် ၊
ဝမ်ရိပေါ်အသက် 17နှစ် ...။
မပြီးပြတ်နိုင်တဲ့ တစ်စုံတစ်ယောက်ကြောင့်နဲ့ ဒီဘီယာဆိုင်ရှေ့မှာ ရှောင်းကျန့်က ရပ်နေခဲ့တာအတော်ကြာပြီ ။
Hello တဲ့ ။
တုံးလိုက်တဲ့ဆိုင်နာမည် ။
"ဘေဘီကလိုက်ရှာနေတာ ..."
"လက်စသတ်တော့ ဒါလင်က ဒီရောက်နေတာကိုး "
သူတောင် သဘောမတူရသေးခင် သူ့လက်မောင်းပေါ်
ပိုင်စိုးပိုင်နင်း ဖက်တွယ်လာတဲ့လက်ချောင်းဖြူဖြုတွေ ။
ကျစ်ခနဲတစ်ချက်အသံပြုလို့ ငဲ့ကြည့်လိုက်တော့
ကပ်တွယ်နေလျက်သား အနီလုံးလေး ။
ကြည့်ရုံနဲ့ယောကျ်ားလေးမှန်း သိသာစေပေမဲ့
ယောကျ်ားလေးနဲ့မတူနေတာတော့ အမှန်ပဲ ။
လည်တိုင်ပေါ်က ခပ်ထင်းထင်းအရာရယ် ၊
ခုနက အသံရှတတရယ်ကြောင့်နဲ့သာပဲ ။ မဟုတ်ရင် .... ။
တွန့်ပြတဲ့မျက်ခုံးတန်းလေးတစ်ဖက်က ဘာသဘောလဲသူသိပါတယ်။
အနီလုံးလေးရဲ့ခါးပေါ် သူ့လက်က အဆင်သင့်ရောက်သွားရတယ် ။
ပိုကပ်သွားတဲ့အနေအထားကြောင့် နေရခက်ပေမဲ့
အနီလုံးလေးကတော့ ထိုကဲ့သို့ဟုတ်ဟန်မတူ ။
"စီ...စီနီယာ ...ဒါက ..."
အ,ထစ် ၊အ,ထစ်နဲ့ အရှေ့ကကောင်မလေးရဲ့အသံ ထွက်လာတယ် ။
မယုံနိုင်ဖွယ်မျက်လုံးတွေကတော့ ပုံမှန်ထက်ပြူးကျယ်နေရဲ့။
"ဆောရီးပါ ၊ မင်းမြင်တဲ့အတိုင်းပဲ
ဒါ.. ကိုယ့်ကောင်လေးလေ "
ဘေးကအနီလုံးက ထိုကောင်မလေးကို
နှုတ်ခမ်းတစ်ခြမ်းတွန့်စတိုင်လ်နဲ့ ရယ်ပြလိုက်ပုံပဲ ။
ထိုကောင်မလေးက မျက်နှာကိုလက်နဲ့အုပ်လို့
ချက်ချင်းပဲ ပြေးထွက်သွားတယ် ။
°°°°°°°°°°°
"ဟားဟားး"
ပြေးထွက်သွားတဲ့ကောင်မလေးကို ကြည့်လို့ တဟားဟားအော်ရယ်နေပုံက တကယ်သဘောကျနေဟန်ပဲ ။
နောက်တော့မှ သတိဝင်လာသလိုနဲ့ လက်မောင်းမှာ ဖက်တွယ်ထားတဲ့လက်တွေကို ဆတ်ခနဲ ရုတ်သိမ်းပစ်တယ် ။
YOU ARE READING
Blessing
Fanfictionမင်းကို ကိုယ့်ဆီရောက်အောင် ပို့ပေးခဲ့တဲ့ ဘုရားသခင်ကို ကိုယ်က တစ်သက်လုံးစာအတွက် ကျေးဇူးတင်နေမိတော့မှာ .... ။
