Drops of Divine

Chapter IV

Chapter IV

Third Person's POV

"YARA!" malakas na sambit ni Jill, ang matalik na kaibigan at manager ng aktres. "Hintayin mo ko! Ang laki naman kasi ng bakuran na 'to!"

Natawa si Yara. "Kaya nga mansion ang tawag."

"Nasaan na ba si Ledger? Pababa na ba o tulog pa?"

"He texted me. He's taking his shower." Sinuot ni Yara ang apron. "Do I look pretty?"

"Oo naman! Kaya nga in demand kang artista, eh!" Dinanggil nito ang balikat ng kaibigan. "At ang rason kung bakit nahulog sa'yo ang isang Ledger Gilbert."

Impit na tumili si Yara. "I didn't expect na magkakagusto siya sa akin."

"Hanggang ngayon hindi mo pa sinasabi kung ano na ang status niyo."

"Next time na lang," ngiti niya, kinikilig. "Teka, nasaan si Elias?"

"Ayun, oh!"

Nasa gitna ng damuhan si Elias at nakapalibot sa kaniya ang malalaking palanggana kung saan nilalabhan niya ang puting kurtina. Napaliligiran din siya ng mga katulong ng Gilbert Clan, pawang kinikilig sa binata.

"Grabe," natatawang anas ni Yara. "Iba talaga ang hatak ng kagwapuhan ng kaibigan natin."

"Kung pera nga lang ang kapalit ng bilang ng mga babaeng umaaligid sa kaniya, malamang mayaman na siya."

"At hindi ko akalain na kasama sa part-time job niya ang pagiging house boy rito sa Gilbert mansion."

"Todo kayod siya, bes. Alam mo namang bread winner 'yan."

"May trabaho naman 'yong kano niyang tatay, 'di ba?"

"Oo, sa fish port yata."

"Dapat nag-artista na lang din siya. Ganyan ang mukhang hinahanap ng mga talent agents."

"Naku, pinilit ko na 'yan kaso ayaw. Mas mahal niya raw si Lord."

Nagkatinginan sila at sabay na tumawa. Nahinto rin sila nang makita ang isang babaeng lumabas sa pintong nasa gilid.

"Who's that?" Napanganga si Jill sa sobrang pagkamangha. "Ang ganda niya. Para siyang model."

"Tatiana Rae Gilbert," seryosong tugon ni Yara. "Stepsister ni Ledger. She's the heiress of Gil Group of Companies but she became a rebel and decided to live in France."

"Seryoso?!" Namilog ang mata nito. "Pinagpalit niya ang yaman sa pagrerebelde?"

"That's what Ledger told me." Tumaas ang kilay niya. "And now, she's back. Tingin ni Ledger, babawiin ni Tatiana ang lahat."

"Wait, siya ba 'yong nabalita noong nakaraan? Iyong nagtrending din sa social media?"

"Siya nga."

"Grabe!" Hindi niya maalis ang tingin sa dalaga. "She's pretty and savage. Bet na bet ko ang comeback niya."

"Ano ka ba? Kontrabida 'yan," saway ni Yara. "At tingin ko kaya nandito 'yan, para sirain kaming dalawa ni Ledger."

"Paano ka naman nakasisiguro? Ngayon mo lang siya nakilala."

"Never pang nagkamali ang instinct ko."