ရည်းစား​လေးပဲထားချင်မိတဲ့ကျွန်​တော် (ဘာသာပြန်)

Cha-12

[Unicode]

ကျောက်ချင်းယွမ်၏  Weibo ကို အကြမ်းဖျင်း ကြည့်ပြီးချိန်မှာတော့ ယွီချင့်ဟွမ်မှာ …. ဖြင့်သာ ရက်ပလိုင်းပြန်လိုက်၏။

ကျောက်ချင်းယွမ်ကျေးဇူးဖြင့် ယွီချင့်ဟွမ်၏ ပြောင်သလင်းခါနေသော Weibo အကောင့်လေးမှာ ခုချိန်တွင် follower တွေ ရာထောင်ချီ ဖြစ်လို့လာခဲ့​လေပြီ။

ဒီအပ်ဒိတ်အသစ်ထွက်လာတာနဲ့အမျှ သူ့မှာ မျက်လုံးပြူးမျက်ဆံပြူး စိတ်အားထက်သန်တက်ကြွနေကြတဲ့ follower ဆီကနေ ချက်ချင်းလက်ငင်း စာတွေတပုံတပင်ကြီး ရလို့နေသည်။

[ဝိုး! နောက်ဆုံးမှာ အပ်ဒိတ်အသစ်လေး လာပြီ!   ….. လေးပဲဖြစ်ပေမယ့်လို့ပေါ့..]

[ဟဟဟ! ချင့်ဟွမ်ကစောက်ရမ်း​ဂေါ်တာပဲ… ချင်းယွမ်တော့ စိတ်တိုလွန်းလို့ ခုန်ပေါက်နေလောက်ပြီ]

[ကောင်းတယ် သားကြီး, မင်းက ငါ့အာရုံကို အောင်အောင်မြင်မြင် ဆွဲဆောင်နိုင်ခဲ့ပြီ]

[ဒီချင့်ဟွမ်က ဘယ်လိုလူမျိူးဆိုတာကို သိချင်လိုက်တာ]

......

အင်တာနက်သုံးစွဲသူတွေကြား ယွီချင့်ဟွမ်၏ သတင်းအသစ်ကြောင့် အာလူးဖုတ်အတင်းတုတ်စရာရလို့နေချိန်မှာပဲ အလျင်က ယွီချင့်ဟွမ်ရဲ့ဓါတ်ပုံတင်ခဲ့တဲ့ ဘလော့ကာမှ အပ်ဒိတ်အသစ်ရုတ်တရက်ကောက်တင်လိုက်ပြန်တယ်...

[အိုး! ဒီယွီချင့်ဟွမ်နဲ့ငါ့စီနီယာနဲ့က စတိုင်ကအစ
တထေရာတည်း...ငါသုံးသပ်ကြည့်ရသလောက်တော့ ဒါသူဖြစ်နိုင်တယ်...]

Weibo Hot Search ထဲမှာ မကြာသေးခင်ရက်ပိုင်းကမှ ရောက်ထားသူတယောက်အနေနဲ့ ဒီလူက ခုချိန်မှာ မီးရောင်အောက်တွင် ရှိလို့နေသည်။

သူ့ရဲ့သတင်းအသစ်က Weibo တခွင်ပြဲပြဲစင် ဗုံးကွဲသလို ဖြစ်လို့သွားစေ၏။

[ဒါဆို ဒီယွီချင့်ဟွမ်က ဟွာတက္ကသိုလ်က ကျောင်းယူနီဖောင်းနဲ့ ချစ်စရာကောင်လေးပေါ့?]

[အိုးမိုင်ဂေါ့! ငါသူ့ကိုမမှတ်မိလိုက်ဘူး! ငါ ချက်ချင်းပဲ သူ့ကို follow လိုက်တော့မယ်!]

[ငါ့ရဲ့စိတ်ကူးယဉ်အမျိူးသားလောင်းလေးက ဒီလောက် ချစ်ဖို့ကောင်းတာတောင် လူမသိသူမသိ ခပ်လျိုလျို​လေး ​နေနေလိုက်သေးတယ်...ဘာလို့ သူ့ပုံကို ပရိုဖိုင်လေးတောင်မှ မထားရတာလဲ? ဘာလို့  Avatar ကြီးထားတားရတာတုန်း?]