[Unicode]
ဟော်ယုံမှ ဟော်ချွီအား ရိုက်ကွင်းနေရာသို့ ခေါ်ဆောင်လာခဲ့စဉ်မှာတော့ ယွီချင့်ဟွမ်မှာ နောက်ဆုံးဓါတ်ပုံများကို ရိုက်ကူးပြီးစီးခဲ့လေပြီ။
ဒီအကြိမ်မှာတော့ လျိုကျားအန့်မှာ ပုံများနှင့်ပတ်သက်လို့ အတော်လေးနှစ်ထောင်းအားရလို့နေပြီး အစဉ်အလာတွေဖောက်ဖျက်လို့ချီးကျူးထောပနာပြုလို့နေသည်။
သူ့လက်ထောက်အား ထိုပုံများကို Weibo မှာ ပြီးတာနဲ့ချက်ချင်းတင်ရန် ညွှန်ကြားလိုက်သေးသည်။
သနားစရာယွီချင့်ဟွမ်!
ရာသီဥတုမှာအင်မတန်အေးစိမ့်နေကာ ယခုနေရာတွင် အပူပေးစက်မရှိပေ။ထို့ပြင် သူ့အနေနဲ့ ပြီးပြည့်စုံသောအနေအထားကို ထိန်းသိမ်းရဦးမည်။
ချမ်းလွန်းလို့ရေခဲတော့မတက်ဖြစ်နေတာတောင် သူ့အနေနဲ့ပိုစ့်များဆက်လက်ပေးနေရဦးမှာပင်။
ရှုတင်ပြီးဆုံးသွားသည့်အခါမှာ သူဟာချက်ချင်းပဲ သူ့ကိုယ်သူ့ဝမ်ကျန်းရှန်မှ ပေးအပ်လာသည့်သားမွှေးအနွေးထည်ဖြင့် ခြုံလွှမ်းလိုက်၏။
ကျောက်ချင်းယွမ်မှကမ်းပေးလာသော ရေနွေးယူရန်တောင် သူ့လက်ကိုသူပြန်ဆွဲထုတ်လိုစိတ်မရှိပေ။
ရိုက်ကွင်းနေရာမှာအလွန်တရာဆူညံနေပြီး ဇာတ်ကားဝတ်စုံအမျိုးမျိုးဝတ်ဆင်ထားသော သရုပ်ဆောင်ပေါင်းစုံတို့ဖြင့် ပျားပန်းခတ်လို့နေသည်။
သို့သော် ဟော်ချွီမှာထောင့်နားလေးတွင် ပုန်းကွယ်နေသည့်ယွီချင့်ဟွမ်ကို တခါတည်းမျက်မြင်တန်းတွေ့လေ၏။
သူဟာ ဝမ်းသာအားရသူ့အားလှမ်းခေါ်လိုက်ရင်း ငါးများကိုသယ်ဆောင်ကာ ယွီချင့်ဟွမ်ထံသို့ လျှောက်သွားလိုက်သည်။
“ချင့်ဟွမ်!”
“မင်းဒီမှာဘာလုပ်နေတာလဲ?”
ယွီချင့်ဟွမ်ကအံအားတသင့်မေးလာပြီး မတ်တပ်ရပ်ကာ သူ့အားကြိုဆိုလိုက်သည်။
ဟော်ချွီမှာ ယွီချင့်ဟွမ်နံဘေးတွင်ထိုင်နေသည့် ကျောက်ချင်းယွမ်ကိုသတိအနေအထားဖြင့် တချက်ရှိုးလိုက်ရင်း ယွီချင့်ဟွမ်အားဘေးသို့ဆွဲခေါ်သွားကာ သူ့ငါးကန်ကိုရတနာတခုအားပြသသည့်အလား သူ့ရှေ့သို့ထိုးပေးလိုက်၏။
YOU ARE READING
ရည်းစားလေးပဲထားချင်မိတဲ့ကျွန်တော် (ဘာသာပြန်)
Romanceမြန်မာဘာသာပြန် အပိုင်း- ၉၇ အချပ်ပို-၆
