[Unicode]
လေထုမှာ ရုတ်ချည်းဆိုသလို အေးခဲသွားတော့သည်။
ဟော်ချွီမှလွဲလို့ ကျန်တဲ့သူအားလုံးမှာ အလွန်တရာ အိုးတိုးအမ်းတမ်းတွေ ဖြစ်ကုန်ကြသည်။
ဟော်ချွီမှာ ဒီတယောက်ကို ကြည့်လိုက် ဟိုတယောက်ကိုကြည့်လိုက်ဖြင့် နောက်ဆုံးမှာတော့ ယွီချင့်ဟွမ်ထံသို့ အကူအညီတောင်းခံသလိုအကြည့်များ ပို့လွှတ်လိုက်၏။
သူ မဟုတ်တာတခုခုများ ပြောမိလိုက်ပြန်လေသလား? ဒါပေမယ့် သေချာပေါက်မဟုတ်ဘူးလေ!
ချင့်ဟွမ်က အဲ့တုန်းကဒီတိုင်းပြောခဲ့ဖူးတာပဲ..ချင့်ဟွမ်က ဘယ်လိုမှားနိုင်မှာလဲ?
"အဟမ်း"
ယွီချင့်ဟွမ်မှာ ရှက်ကိုးရှက်ကန်းဖြင့် ချောင်းအသာဟန့်လိုက်ရင်း ကျောက်ချင်းယွမ်ကိုဆိုလိုက်သည်။
"ချင်းယွမ်အတည်မယူပါနဲ့... သူ မရည်ရွယ်ပါဘူး"
ထို့နောက်တွင် သူက နှာတံကိုပွတ်သပ်လိုက်ပြီး ကျောက်ချင်းယွမ်၏ ခါးသီးနေသောအကြည့်တွေအောက်တွင် ဆက်ပြောလိုက်သည်။
"အမှန်တော့ ငါသူ့ကိုဒီလိုပြောခဲ့တာက...."
"အိုး! ယွီချင့်ဟွမ်, ခုချိန်မှာ ငါမင်းရဲ့သရုပ်မှန်ကို မြင်ရပြီပေါ့"
ကျောက်ချင်းယွမ်မှာစွန့်ပစ်ခံထားရသော ဇနီးမယားတယောက်အလား သူ့အားဝမ်းနည်းပမ်းနည်းကြည့်နေပြီး
"ငါကတော့ မင်းကိုသူငယ်ချင်းတယောက်လိုသဘောထားခဲ့တာ...မင်းကတော့ ငါ့နောက်ကွယ်မှာ ငါ့အကြောင်းတွေ အပုပ်ချနေတယ်ပေါ့လေ?"
"ဒါက ဘာလို့လဲဆိုတော့ ငါကမင်းကိုသူငယ်ချင်းကောင်းတယောက်လို့ သဘောထားလို့ပါ..."
ကျောက်ချင်းယွမ်မှာ အနည်းငယ် စိတ်ကြီးဝင်တက်သူတယောက်ဖြစ်ပေမယ့် လူကောင်းတယောက်လဲ ဖြစ်သည်။ ယွီချင့်ဟွမ်မှာ အစောကတည်းက သူ့အားသူငယ်ချင်းတယောက်ကဲ့သို့ မှတ်ယူပြီးဖြစ်၏။
သူ့အား ကြက်တူရွေးလို့ဆိုခဲ့ခြင်းမှာ မကောင်းသည့် သဘောမျိုးဖြင့်မဟုတ်။ စနောက်သည့်အနေဖြင့်သာ။ သို့သော် ဟော်ချွီမှအမှတ်ထားလိမ့်မည်လို့ သူမထင်ထားခဲ့မိချေ။
YOU ARE READING
ရည်းစားလေးပဲထားချင်မိတဲ့ကျွန်တော် (ဘာသာပြန်)
Romanceမြန်မာဘာသာပြန် အပိုင်း- ၉၇ အချပ်ပို-၆
