[Unicode]
ယွီချင့်ဟွမ် နှလုံးအိမ်အရူးအမူးခုန်ပေါက်နေသည်မှာ တစ်စုံတစ်ဦးက ဒရမ်တစ်ခုလာရောက်သွတ်သွင်းထားသကဲ့သို့ပင်။အရမ်းကိုခုန်နေတာမှ သူ့ရင်ဘတ်ကြီးထဲက အချိန်မရွေး ခုန်ထွက်လာတော့မည့်အလား။
သူနှုတ်ခမ်းများသပ်လျက် ဟော်ချွီ၏ နက်မှောင်တောက်ပနေသောအကြည့်များနှင့် ရင်ဆိုင်လိုက်စဉ် သူ့ခန္ဓာကိုယ်ထဲကအရက်တွေ ချက်ချင်းပဲအငွေ့ပြန်သွားရသည်။
“ငါ_ဒါတကယ်ပဲဘာမှမဟုတ်ဘူး မင်း_နားလည်မှုလွဲတာ...”
ဟော်ချွီမှာ ထိုကဲ့သို့သောကိစ္စရပ်များနှင့်ပတ်သက်ရင် လှည့်စားဖို့အလွန်ခက်ခဲတာ ဘာကြောင့်မှန်း သူနားမလည်နိုင်ပါပေ။ သမရိုးကျအချိန်တွေမှာဆို ဟော်ချွီနားမလည်တဲ့တစုံတရာ သူပြောလိုက်ရင် အနှီသူကရွေးနုတ်ပြီး မသိကျိုးကျွန်ပြုပစ်မည်သာ။
ဟော်ချွီ၏ ချွေးများဖြင့် ပူနွေးစွတ်စိုနေသောလက်ဖဝါးပြင်ကို ခံစားမိလိုက်စဉ် ယွီချင့်ဟွမ်တစ်ကိုယ်လုံးတောင့်တင်းသွားပြီး တခဏလေးတောင်စိတ်အေးလက်အေးနေဖို့မဝံ့ဖြစ်သွားရ၏။
"မဟုတ်ဘူး" ဟော်ချွီက တုံ့ဆိုင်းခြင်းမရှိ တုံ့ပြန်ပြောကြားလာသည်။ သူအကြည့်များက ယွီချင့်ဟွမ်အပေါ် စူးစိုက်ကျရောက်လျက်ရှိပြီး ဖြေးဖြေးဆိုလာသည်။
"မင်းသက်တောင့်သက်သာမဖြစ်ဘူး၊ ပိုသက်တောင့်သက်သာဖြစ်မယ့်နည်းလမ်း သေချာပေါက်ရှိကိုရှိရမယ်"
ခေတ္တရပ်တန့်သွားပြီးနောက် သူကခေါင်းကိုငုံ့လို့ ယွီချင့်ဟွမ်၏ညှပ်ရိုးလေးအား နမ်းလိုက်လျက်လိုက်ဖြင့် “ချင့်ဟွမ်၊ ကိုယ်ဘာလုပ်သင့်လဲ?”
အကြင်သူ၏ ပူနွေးစွတ်စိုနေသည့် အသက်ရှုငွေ့တွေက သူ့ခန္ဓာကိုယ်ပေါ်ကို တရစပ်ဖြန့်ကျက်လျက်ရှိပြီး
ယွီချင့်ဟွမ်အရေပြားပေါ်က ကြက်သီးမွှေးညှင်းလေးများကို ချက်ချင်းပဲထောင်ထလာစေသည်။
ယွီချင့်ဟွမ်၏အသက်ရှူသံတွေမှာ တဖြည်းဖြည်းလေးလံလာလျက်ရှိပြီး သူ့နှလုံးအိမ်ထဲတွင် အပြင်းအထန်လွန်ဆွဲရုန်းကန်နေရ၏။
YOU ARE READING
ရည်းစားလေးပဲထားချင်မိတဲ့ကျွန်တော် (ဘာသာပြန်)
Romanceမြန်မာဘာသာပြန် အပိုင်း- ၉၇ အချပ်ပို-၆
