Minsan lang umibig ang isang Chloe Samonte.
Humanga, nagmahal sa isang tao sa matagal na panahon.
Hinintay niyang masuklian ni Drake ang pagmamahal niya.
Ngunit, nang dumating na ang pagkakataon para sa kanila, malaking pagsubok ang hinarap ng kan...
A/N: Ayaw makisama ng kanang balikat ko. Frozen shoulder is waving. Sana mawala para magtuloy tuloy akong mag update. Anyway, enjoy the story. :)
Chloe's POV
Maaga akong gumising pero hindi pa ako bumabangon. Nakatingin lang ako sa kisame ng kwartong inuupahan ko. Maingay doon dahil lima kaming babae sa loob at naghahanda na rin ang iba sa pagpasok. Ngayon ang pangalawang araw ng lecture ni Drake at iniisip ko kung pwede ba akong huwag pumasok. Pero pinili ko na lang din pumasok, pipilitin ko na lang na lumayo sa kaniya. Nahihiya din akong umabsent dahil baka hanapin ako ni Ms. Ira. Atsaka tumutulong din kasi ako kay Ms. Grace sa mga paper works at sa ibang bagay na pwede kong itulong sa kanila dahil nga sa libre lang ako doon. Ayaw nila akong patulungin pero ako na ang nagpiprisinta, hindi naman ganoon kabigat ang mga trabaho.
Pinili kong suotin ang isa sa mga bigay ni Ms. Ira na white polo shirt at nag pants na lang din ako. Sinuot ko na lang din ang pink coat na bigay din niya sa akin. Nagpasya akong magbike papasok para makapag ikot pa ng konti para makitsismis sa pali paligid. Pang tanggal ng stress ng bahagya.
Habang nag iikot ay nahinto ako sa pamilyang nagjojogging sa sidewalk. Magkakahawak kamay silang tumatakbo. Nasa gitna ang cute na batang lalaki na siguro ay nasa apat na taon na. Napangiti ako sa kanila habang nagtatawanan pa silang magkakahawak.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Pagkadating sa venue ay pinuntahan ko na si Ms. Grace para kumbinsihin pa ring baka pwedeng iba na ang magtake down notes para kay Drake. Ngunit pagpasok ko sa Faculty Room ay wala si Ms. Grace at ang ang tagpong nakita ko ay nakayakap si Hally kay Drake. Agad namang kinalas ni Drake ang pagkakayakap ni Hally sa kaniya. Huli na para umurong ako dahil nakuha ko na ang atensyon nila.
"Uhm- ah- hinahanap ko lang po sana si Ms. Grace. Sige po. Pasensya na." At mabilis na tumalikod.
"Oh, andito ka pala. Tignan mo nga naman." Habol na pahayag ni Hally.
"Hally! Leave her alone. Sige na Chloe, umalis ka na."
Pero mabilis akong nahabol ni Hally at pinaharap. Kailangan kong isiping buntis siya kaya hindi dapat siya masaktan. Dinadala niya ang anak nila ni Drake. "Nabalitaan mo naman na siguro noh? Ikakasal na kami. Kaya lumayo layo ka na." Nakataas ang isang kilay na pahayag niya. "Ilayo mo na iyang pagmumukha mo sa akin at naalibadbaran ako."
"Hally, tumigil ka na! Chloe, sige na." Mataas na boses na sabi ni Drake.
"Mukhang nakaka luwag luwag ka na ha? Hindi ka na mukhang basura." At tinignan ang suot ko. "Sino namang mayaman ang napaikot mo? Congrats." Pagkasabi noon ay tumalikod na siya sa akin.
Lumapit na sa akin si Drake at hinila na ako palabas. "Pasensya ka na sa kaniya. Mag uusap na lang tayo mamaya ha."
"Drake! Halika na dito! Huwag mo akong galitin!" Sigaw ni Hally.
