District Survival Online

Chapter 9: Wild Rabbits

GAME WORLD

Nandito kami nina Chaos at Chester sa coffee shop sa may market. Ewan ko nga sa dalawa at inaya ako, ayos lang naman sakin dahil komportable ako sakanila.

"Alam mo bang wala kang mata"sabi ni Chester habang nakatingin sa akin. Binigyan niya naman ako ng cake.

Nagsalubong ang kilay ko,"Ano?"

May pinili kaya akong mata kanina, hatdog tong dalawang to.

"Your eyes are all white. You can have your eyes if you can finish the first three errands"paliwanag ni Chaos kaya napatango ako.

Pagkatapos naming kumain sa may coffee shop we parted our ways, pumunta ako sa may garden na itinuro ni Chaos habang silang dalawa dumulong sa may bahay suntukan kung tawag nila, dun raw kasi palaging may illegal duel. They also told me na three weeks na silang naglalaro.

Kakapasok ko pa lang sa may garden ng may nakita na akong kumikinang sa may mga bush. Nilapitan ko 'yon at agad na kinuha.

Tinitigan ko naman 'yon, isang kutsilyo.

'you received a knife. Go kill some ten wild rabbits and bring their heads in the black market located at the bloody ocean!'

Yan ang biglang lumabas sa unahan ko kaya pinindot ko 'yon at nawala na lang bigla. Naglakad ako at nagpalingalinga. Roses, tulips, daisy and sunflower was seen, may malaking grass field rin, good thing hindi na puro ginto.

Payapa lang akong naglalakad ng may sumampa sa ulo ko. Sinubukan kong gumalaw pero napakahinay ko. Halos iilang segundo pa ang lumipas bago ko masaksak ang rabbit na nasa ulo ko, nabigla na lang ako ng bigla iyong mag wild at kinagat ang buhok ko.

'go kill wild rabbits (0/10) ang bring their heads at the black market'

Ganito pala 'yon, kung kailan mo sila sasaktan dun lang sila magwwild.

Panay ang saksak ko hanggang sa mapatay na iyon, biglang may lumabas na basket kaya kinuha ko 'yon, pinutol ko ang ulo ng rabbit at inilagay sa loob.

Naglakad na muli ako, naiinis ako sa sarili ko kasi ang bagal kong maglakad. Napapatingin naman ako sa ibang players na mabilisan kung gumalaw. Awit kasi, kung nung last day of the month siguro ako nagsimula mataas na rin ang level ko tapos mabilis akong maglakad.

Halos iilang oras na ang nakakalipas pero tatlo pa lang ang napapatay ko.

May nakita akong nagkukumpulang mga kuneho kaya ang ginawa ko kumuha ako ng bato sabay tapon sakanila. Napabaling sila sa akon habang may naglilisikang kulay pulang mata. Sabay sabay silang tumakbo sa gawi ko kaya hinanda ko ang sarili ko, pagtalon nila agad kong winasiwas ang kutsilyo, nagkaroon sila ng hiwa sa leeg-an pero hindi iyon sapat para mamatay ang anim na kuneho na to.

Dumamba sila sa akin kaya napahiga ako sa lupa. Panay ang kalmot nila kaya panay rin ang saksak ko. Hindi ako magpapatalo! Hoy! Pinoy ako! charing.

Nang biglang magkalahati ang HP ko agad ko silang pinagtutulak kahit napakakupad ko, pagkaalis nila sa ibabaw ko agad ko silang hiniwaan muli. Sabay sabay naman silang nawalan ng hininga at napahiga sa lupa kaya agad kong pinutol ang mga ulo nila at nilagay sa basket ko, Isa na lang tapos na agad ako.