انا لست لأحد😏😝

الحلقه الثالثه 🤗

رواسي في الممر قبل ما اتخش للمطبخ:اساور وينك تعالي خلينه نزردو في بافي الباكو  عطيتهم طرف طرف ودسيت الباقي مش انكسدو(علي خشتها للمطبخ)  😶 وتلقي في المطبخ.......

ايوب مِتّكي علي الدُّلاب ويضحك

"رواسي تحشمت  ووجها احمر تمنت الارض تنشق وتبلعها"

ايوب عرف انها تحشمت فقعد إنابش فيها :قصدي كان انتي تبي اتولي دبه فا اني ما نبي اختي اتولي كيفك.. بعدين ما نلقو ما انوكلوها

رواسي خلاص متحشمه وحمقت من كلامه معاش عرفت ما اترد 😣:... ما اتحشم علي وجهك بعدين انت ما دخلكش أساور كان ما تبي هيا اتقولي.... محد حطك محامي دفاع عنها

ايوب :هههههههه خيرك خشيتي في بعضك ...... هههههه بالله عندي فضول نعرف كم قعد طرف شكلاطه في الباكو هو امضني فيه 48 وهنا عمامي مش كاملين يعني مزال واجد ان شاء الله اليوم برقدوك في المستشفي من الحلو

رواسي خلاص طفح الكيل معاش تحملت:انت شن دخلك ايرقدوني في المستشفي ولا في العنايه  الحمد لله مش انت يلي جايبها ليا كان ماهذا راهو قعدت علي جميلك طوول عمري... بعدين انت ما دخلكش فيا نسمن نقعد ضعيفه لين انموت اني عاجبتني ارويحتي.... وبلاش حسد زايد

ايوب ميت ضحك عليها : هالله هالله خيرك ولعتي ما قلت شي.. بعيد السؤ عليك من الموت .... بعدين انتي غير اطلبي بس انجيبلك المحل كله واني مش من عوايدي نجمل وكان مش امصدقه اسألي خواتي .. وعلي شني ابنحسدك علي السمن يلي بتريحي احرف من البرميل 

رواسي امعصبه  : علي العموم راك ما اضحك وما عندي ما انقولك غير    (علي خشت اساور)  ربي يشفيك

ايوب 😂😂😂

اساور :خيره بسم الله شن فيه توه ماكان فيه حاجه

رواسي :خوك هذا مريض مرض نفسي وعقلي وان شاء الله ربي يشفيه... ما بعدك كيف متحمله تقالت دمه

اساور ضحكت  :ايوب دمه تقيل ما تعرفي يا بنت عمتي

ايوب :الحمد لله ماجت مني مش تعرفي انه الناس كلها تشبح فيا دمي خفيف وجوي سمح الا بعض الناس يا اساور

رواسي :شكارت العروس امها وخالتها وعشره من قبيلتها... تلقاهم كلهم مش متحملينه الا بالسيف

ام رواسي من الصاله :رواااااسي تعالي اتصلي بخوتك عشان  اجو علي الغدي

رواسي:حاضر يا امي.... اساور بعد اتمي يلي اديري فيه تعالي لي الدار التانيا نبيك... (وهيا طالعه)

ايوب :يا اساور بالله ردي بالك من وزنك لا اتريحي كيف البرميل 😂

اساور :بهي توه انجي..... وانت شن تخرط