تسريع في الاحذات..... بعد مرور اسبوعين.... وفي يوم جديد وصبح جديد علي ابطالنا.... ♥️
........
في حوش أحمد اب رواسي🏚️....
ام رواسي في المطبخ اتوتي في الفطور خش عليها رواد...
رواد :صباح الخير والفل والياسمين لأحلا ام في العالم ♥️
ام رواسي :صباح النور والسرور والورد المنثور... لوليدي السمح.... اوووو فرحان ونشيط اليوم 😏
رواد :ههههه... فاهمتيني عاد.
ام رواسي :طبيعي كات ما فهمت علي اصغاري علي من ابنفهم 😊
رواد :نجك لينا وطولنا في عمرك... هي ما تبي شي اني ماشي
ام رواسي :استني افطر خيرك مستعجل
رواد :لالا خلاص هذا الوقت... توه نفطر غادي
ام رواسي :هههههه ربي ايحققلك ما في بالك يا مطفوش
رواد :ان شاء الله يا غاليه... كتريلي منهن الدعوات هدين 😁... هي سلام
ام رواسي :سلام....
(ماجاكم الفضول تبو تعرفو شن هو الموضوع... اني عن نفسي جاني الفضول 😂😂😂.... تعرفو شن بنديرو... بنعدو انطبو علي رواد في عمله ونشحو شن الموضوع المهم هذا اسسسس ما اتخبروه 😂😂🤐🤐).....
.....................
....... في اليوم هذا رواد فرحان واجد.... علي عكس مها يلي كانت خايفه ومش عارفه شن بدير وتبكي... خلونا نمشو نشحوها خيرها...
............................
في حوش خالهم علي..... عند مها...
يلي كانت شاده التلفون وفاتحه علي الوتس اب وايديها يرعشن.... وتقري في الرساله يلي كان مكتوب فيها... "والله العضيم يا مها ما اذيري يلي نبيه اقسم بالله بندير يلي قتلك عليه واني حذرتك.... وعارفتيني اني قد كلمتي يا الحب 😘😘"
"مها زادت تبكي ومعاش عرفت شن ادير وكانت نادمه علي اليوم يلي عرفاته فيه "
(خلونا انولو للوراء وانشوفو شن صار مع مها)
حازم "يلي اتكلم فيه مها" : شن قلتي مهتي اموافقه ولالا
مها : حازم انت شن اتقول مش معقوله الكلام يلي اتقول فيه.... مش كلامك هذا
حازم :ههههههه... خيره تحسابيني دلدول نسمع في كلام الناس.... هذا كلامي ومن راسي.... توه سمعتي وفهمتي شن قتلك ولالا
مها تبكي : مانبيش نفهم ولا نسمع... واصلن اني الغبيه والحماره يلي كلمتك من الاول مانحسابك وسخ وقليل ادب وصحيح وجه لهذي الدرجه خزيييي عليك وعلي وجهك... وما ايشرفني نعرف واحد زيك... كل يلي بينا انتها
أنت تقرأ
انا لست لأحد😏😝
Humorالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
