رواسي :قالي واحد يعرفك وحاب ايتعرف عليك اكثر "وعلي خشت ايوب واطيح الكلمه في ودنه ورواسي مسكينه انطمست "
ايوب :السلام عليكم
اساور توترت حتي هي :وعليكم السلام.. هيا رواسي نطلعو لي الصاله "رواسي وقفت"
ايوب ضحك :لا وين تطلعو تحسابني اطرش اماله.. " بجديه" قعمزي انتي وياها
رواسي & اساور خافن من نبرت صوت ايوب وقعمزن طول
اساور بخوف :ايوب افهم قبل ما....
قاطعها ايوب بصوت مرتفع :اساور ما نبيش نسمع صوتك
رواسي من الخوف من صوته لين غمضت اعيونها
ايوب ايتكلم بهدوء علي عكس اعصابه يلي بتفجراً من الحمق:نبي نسمع كل شي بصدق وحي عليكن تطلعن تكذبن
رواسي & اساور ساكتات
ايوب رفع صوته :تكلمييي انتي ويااها
رواسي بخوف وبصوت متقطع :اني حنحكيلك كل شي... تمام... بس مش حنتكلم كان ما هديت اشويه..... لأن ما نعرفش انتكلم معاك في الوضع هذا
ايوب تنفس بقوه :تمام احكي اهو هديت.... وانحدر فيك للمره الثانيه يا رواسي ردي بالك اتفكري تكذبي
رواسي بخوف لاكن في نفس الوقت اتكلم بتقه :عارف اني ما نكذبش من قبل
ايوب :نسمع فيك... من يلي كنتن اتكلمن عليه
رواسي بتوتر :ما نعرفش.... رقم غريب اتصل بيا وكنت نحكي لي اساور شن قالي
ايوب صدقها لأن عارف رواسي ما عندها في الكذب :متأكده
رواسي :بتصدق باهي ما بتصدق علي راحتك "وايرن تلفونها من جديد"
ايوب :منو يتصل
رواسي بتوتر وخوف شدت التلفون :نفسه
ايوب :ليش ما حطيتيه في الحظر
رواسي :ءءالأن شكله يعرفني...فف فقلت ابنعطيه لي خوتي يشحوه منو
ايوب :تمام جيبيه التلفون توه اني انتفاهم معاه "رواسي مدتله التلفون بعد تردد وايوب طلع وخلاهن "
رواسي طول قعمزت :وووووه عليا قلبي ابيوقف.... يا شينك حظ اسود حظي... عارفه اشويه متت من الخوف تخيلته ايهزبني كيف احمد ما هزب مها.... حي عليا حي يا عليك مصيبه
اساور بخوف : اني من الخوف ريقي جف ورجليا معاش قدرت نوقف عليهن يا عليك كبسه.... باهي يلي ما هدرزنا عليه هنا
رواسي :اسكتي يا فرخه توه يسمعنا
اساور :نوضي خلينا انعدو لي داري قبل ما ايولي
أنت تقرأ
انا لست لأحد😏😝
Humorالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
