في حوش احمد اب رواسي ...في المطبخ بالتحديد
رامي امعصب :شن مشكلتها مع رواسي الفرخه هذي
ام رواسي :وين نندري عنها اني من بين كل البنات نطت علي رواسي وطاحت فيها
رائد :وينها رواسي يا امي
ام رواسي :في دارها اتبدل توه اتجي
رواد :خلاص سكروا عليه الموضوع وكان مره ثانيه غلطت في رواسي اني نعرف كيف انتفاهم معاها بنت اختك
رامي :ورواسي شن قاتلها
ام رواسي :شن بتقوللها قدام جدتك وخالاتك ونساوين خوالك ...بنتي متربيه مش كيف قليلة الادب هذيكا "علي خشت رواسي "
رواسي :خيره صوتكم عالي
ام رواسي :شي انخبر فيهم علي الكلبه هذيكا كيف طاحت فيك
رواسي :فوتوها ..اني يا امي المره هذي سكتلها احترام لي جدتي المره الجايه قسم بالله محد يقدر ايحزها من يدي
رامي :اضربيها واني معاك واي حد ايكلمك تعاليلي كان ما انخلطه عليها ما يسمى اسمي رامي
رواسي ضحكت:اهو اسمعتي رامي
رائد:ما تنسى اتكلمنى عاد
ام رواسي ضحكت :وانت شنو يا رواد ماتبيش ايكلموك
رواد ضحك : كان الموضوع فيه روستي معروف ردي انى
ام رواسي ابتسمت : ربي يحفظكم ليها وما ايغيبكم
الكل :امين
رواد :المهم توه غدوه بنعيدوا في المزرعه ولالا
ام رواسي :طبيعي كيف كل عيد
رامي :وااك توه غدوه بيجي عيلة عمكم الحصالي مش عارف كيف بنتحملهم
رواسي :بنتحملوهم قصدك "وسمعت تلفونها ايرن "من الاكيد استبرق هذي امي تبي شي
ام رواسي :لا مانبي شي غير ارقدي فيسع بيش اتنوضى امصحصحه
رواسي :تمام هي تصبحوا "وطلعت لي دارها "
رواد :رائد امت الصلاة
رائد:امنزلين الساعه سبعه وربع
رواد :معناها الواحد يمشي يرقد من توه ويالله بيش اينوض ....فرخ رامي ارقد فيسع منقعدش انوض فيك بكره هي تصبحوا "وطلع "
رامي :اني ابنطلع انتم حاجات ناقصات عليا امي ماناقص شي
ام رواسي :لا يا اوليدي كل شي جابه بوك من امس مافي حاجه ناقصه
رامي :باهي معناها اني طالع "وطلع "
رائد :حتي اني بنوض نرقد تصبحي علي خير يانبع الحنان "وطلع
"ام رواسي ضحكت وكملت توتيه لماعين يلي ابترفعهن معاها بكره "
...............
"عند رواسي طبعا خبرت استبرق كل شي واستبرق عصبت وحلفت انها حترد حق رواسي منها .....وبعد مكالمه قعدت ساعه سكرت رواسى ورقدت "
أنت تقرأ
انا لست لأحد😏😝
Humorالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
