في نفس الوقت امير كان واقف بره ايدخن وشاف رواسي طالعه ولحقها....
رواسي ادور في الفوط في المخزن وفحأه ايخش امير :بسسم الله شن ادير هنا انت
اميرابتسم : جاي بنشوفك ونحكي معاك
رواسي جت ابتطلع وايجي امير قدامها :بعد لو سمحت مش مكان كلام هنا
امير :قالتلك اميره علي الموضوع
رواسي : قالتلي واني رديتلك الجواب معاها وعلي ما اضن عندك العلم... فحول من قدامي وخليني نطلع
امير ضحك :هل تعلمي انتي بكلامك يلي دزيتيه ليا مع اميره خليتيني انسكر راسي عليك اكثر
رواسي عصبت :اتسكر ولا تفتح مش هامني.. حول من طريقي احسن ما انعيط وانلمهم عليك كلهم
امير بنبرت صوت جديه :اقسم بالله يا رواسي انجيبك انجيبك وحنحاسبك على كل كلمه قلتيها
رواسي بتحدي :اعلي ما في خيلك اركبه "ودفاتن وطلعت"
...........................
في المطبخ...
"رواسي خشت ووجهها مقلوب "
اساور :ها روسه وين لفوط
رواسي : ما جبتهن فوتيهن حتي بلاهن
اساور :خيرك شن صار
"رواسي جت بتكلم و ايخش مصطفي "
مصطفي :قاللكم خالي محمد مزال العشي
اروي :هي اشويه ويوته
مصطفى :معناها ما فيا مامشيت مديلي كرسي يا زهره بنقعمز
زهره رفعت حاجبها :خيره رجليك امكسرات جيب بروحك وقعمز
مصطفى :بطلي طولت السان يا فرخه اخير ما انوريك
زهره ضحكت :بالله عليك شن بدير وريني تره
مصطفي جبد كرسي وقعمز :مش توه نعرف امت انوريك
مها :خلاص انت وياها تعالو اضاربو احسنلكم... شنو هذا استغفر الله
مصطفى :مش عارف شن اديرو امدخلينها معاكم هل البايره
زهره :ما ليكش علاقه انت غير سكر فمك والباقي كله يمشي
احمد جي من بره :خرف دزيناه بجيب العشي اشوي قعمز يا عليك حاله
زهره بإستفزاز:اهو عرفنا من الباير حق
مصطفى :يا راجل قالولي مزال تبيني نطلع وبعد اشوي انولي قلت خليني هنا وخلاص
احمد : باهي به... شن مزال امطول
اساور :اهو ارفع هذي والتانيه توه ايلحقها مصطفي
أنت تقرأ
انا لست لأحد😏😝
فكاهةالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
