عبدالله :اسمعو جاني الفضول نبي نعرف شن دايرلكم الحقير هذا لو مافيها احراج
احمد شبح في ايوب وايوب شبح في احمد 🙄🙄
ايوب : تقدر اتقول انه داير حاجه امخلياته يستاهل انه نعطوه طريحه
عبدالله :اهاا... تمام
......................................
عند مها يلي كانت قريب يغمي عليها من التوتر وكانت امقعمزه بروحها في دار البنات ... وكانت كل دقيقه اتفوت اتفكر انها تتصل بأحمد وتسأله شن صار وبعدين اتبطل... ورن تلفونها وكانت رواسي يمكن هذي المره الخامسه في اليوم هذا.... كله تبي تطمن عليها كيف حالها
مها بتوتر :الو
رواسي :اهلين مها شن جوك توه
مها :بنموت من التوتر
رواسي :ما اتخافيش ما دبنا احمد وعدك انه بحلها فمن الاكيد حا ايحلها
مها :ان شاء الله والله العظيم خايفه قريب انموت
رواسي :اهدي اهدي وان شاء الله ما بصير غير يلي كاتبه ربي... اي شي ايصير خبريني باهي
مها :تمام.... باي توه "وسكرت"
.........................................
وفاتت العشرين دقيقه وجت الساعه يلي كلنا انراجو فيها 9:00
احمد :شنو شباب مستعدين
ايوب :مش عيب تسأل
عبدالله :سير واحني معاك
احمد طلع اللوحه من تحت الكرسي :هي انتوكلو علي الله..... ونزلو الشباب من السياره ومشو جيهت الشقه ووقفو قدام بابها.... وطلع احمد تلفونه وفتح علي التسجيلات واشر لأيوب مش ايخبط
ايوب حرك راسه وخبط علي الباب تخبيط خفيف كإنه تخبيط بنت 😂😂... وعبدالله كان شاد السلاح واموجهه جيهت الباب
حازم :هي جيت هي... منو
احمد فتح التسجيل الأول :"افتح اني مها "
حازم بيش ايتأكد انها هي :من
احمد فتح التسجيل التاني :"اني مها"
حازم فتح الباب :اهلين بالحب... وإيتفاجأ بالبوني"البكس" 👊👊 يلي جاه علي وجهه من ايوب لين جي طايح
حازم بخوف : منو انتو وشن تبو مني
احمد حط نقاله في جيبه :احني عزرائيل يلي ابياخد روحك
ويطلع ولد ثاني من داخل :شنو يا حازم اماله وصلت لبضاعه وايتفاجأ بالشباب وايشد الكرسي ابيضرب بيه ايوب ولاكن ايوقفه عبدالله بالسلاح... 👏👏
أنت تقرأ
انا لست لأحد😏😝
Comédieالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
