انا لست لأحد😏😝

الحلقه السابعه 😳

ايوب فرح بجد بما انه ما فيش حد في حياتها معنها عنده فرصه وامل انها اتحبه وخر للوراء وقاللها بستفزاز : الحراره للفلفل 😏من وين جاتك انك حره

رواسي استفزها كلامه وكيف هي امعصبه وهوا بارد  معاش قدرت اتحمل وانفجرت  :انت شن تبي مني فهمني... شن دخلك فيا.... مره معاش تطلعي علي رجليك.... مره دخلي شعرك.... مره من اتكلمي.... اني عندي بو وخوت ايتحكمو فيا... انت شن دخلك شن علاقتك بيا لوين تبي توصل بكلامك وحركاتك هذينا اه شن هل الهم هذا حتي أهلي ما ايحققو معايا هكي.... قول يلي عندك من الاخير

ايوب عصب  من دون إراده منه طلع كل الكلام يلي في قلبه بصوت مرتفع:تبي تعرفي ليييش....... لأنيي انحببك♥️....... سمعتي يا رواسي ليش انحببك ..... ماانتحملش حد اكلمك ولا ايشوف فيك انحس روحي ابننفجر من الحمق ما انحبش حد ازعععلك ولا إيبكيك لأنيي ما انتحملش انشوف ادموعكك.. لأنهن ببساطه نقطت ضعفي.... ديمه انحب انشوفك تضحكي وجوك سمح وانتمن الضحكة ما اتغييييب علي وجهك.... نبيك اتكوني ليا ومرتي وام اصغاري بالحلال... ماحبيتش انكلمك ولا انقولك مش ما تفهمينيش غلط واتقولي اني ولد مش مزبوط ونبي نضحك عليك ..... نعرف انك مش امفكره فيا... لاكن والله ما قدرت انحولك من بالي....... ديمه وانتي محتله تفكيري عمري ما جربت اني انفكر في غيرك.... عرفتي ليييش يا رواسي فهمتييي ليش.... لأن ببساطه انغار فهمتي انغار تريحتي توه عرفتي ليش انديرلك هكييي ..... وتلفت للوراء وقعد يمسح على وجهه وشعره بتوتر....... .. في خاطره شن درت يا ايووب يا غبي خيرك انفجرت 🤦مفروض ما قلتلها ..... لاكن لا لازم تعرف وايكون عندها علم بالك ايحن قلبها عليا اشوي واتحبني ولا حتي اتفكر بيا حتي اشوي.... (انشوفو ردت فعل رواسي 😳😱)

رواسي انصدمت اكبر صدمه في حياتها .... عمرها ما فكرت انه في حد ايحبها ولا ايفكر فيها......مع انه استبرق ديمه اتقوللها انحس فيه معجب بيك لما اتخبر فيها على المواقف يلي ايصيرن بينهم لاكن رواسي ديمه اتقوللها انت اتوهمي وما في شي من يلي اتفكري فيه.... وطول عمرها امفكره انه هي ما اتحب حد فما حد بيحبها.... ومن كتر الصدمه ما قدرت اتكلم ولا حرف واكتفت بالنظر بدهول وصدمه 😳😳

ساااد الصمت بيناتهم لبعض الوقت.... ورواسي تشبح فيه ومصدومه وايوب متلفت جيهت البحر ومش عارف شن ايقوللها وكيف يكسر الصمت يلي كان سببه القنبله يلي فجرها.... وفي الاخير قرر انه ايكمل يلي عنده وايروح بيها

ايوب تنهد وتلفتلها :رواسي..

رواسي كانت متحشمه ووجهها احمر من  الصدمه يلي خدتها تلفتت جيهت السياره وقاتله :ايوب لو سمحت روح بيا

ايوب تريح انها هي يلي بدت بالكلام لأنه ماكان عارف بيش يبدا :حاااضر..... لاكن بنقول حاجه..... سكت اشوي وبعدين تكلم اي حد يسألك فيه حد في حياتك ولا ايحاول يعترفلك بإعجابه قوليله فيه حد في حياتي لأن مستحيل حنخليك لغيري ..." في خاطره.. هذا كان ما قتلته اني قبل ما ايفكر يسألك.."