في المستشفى .....
"رواد كان امقعمز وحاط يده علي راسه وايشوف لساعه"
ايوب شافه من بعيد جاه :خيرك يا رواد مهموم
رواد تنهد: امي امبدري الصبح كلمتني وقاتلي رواسي ناضت وتحسنت حالتها وقالت تبي اتجي اتزور بوي واني مش عارف هل المفروض نفرح ولا نتغشش
ايوب : خبرتنى امي و عن نفسي انشوف فيها حاجه اكويسه
رواد :انها ناضت هذي من الاكيد حاجه اكويسه لاكن جيتها للمستشفى مش عارف خايف اترده اسوء من قبل
ايوب اضايق وخاف انه ايكون استعجل لما قاللها باهي :مرات اتشوفه يقوى عزمها
رواد : رواسي اختي ماتتحمل من يتكلم علي بوي تبيها اتشوفه هكي وبالحاله هذي وتقعد طبيعيه هذي والله ماهي صايره واني تبي الحق خايف من ردت فعلها
ايوب تنهد:باهي كيف بدير توه
رواد :مانقدرش اندير شي بنجيبها خليها اتزوره لأن الدنيا فيها موت وحياه وانخاف لو قدره الله وصارله شي تقعد اتلوم فيا
ايوب :ان شاء الله خير وان شاء الله تقدر تتحمل وما ايصيرلها شي
رواد :ان شاء الله
ايوب :شن صار في موضوع عمك كلمت بوي
رواد ايشوف في عمه جاي من بعيد : ايه ..عمره طويل اهو جي "وناض هوا وايوب ايسلموا عليه "
.......
اب ايوب :كيف حالك يا رواد وكيف حال بوك اليوم
رواد :الحمد لله يا خالي توه الدكتور مر الساعه ثلاته قال قاعد كيف ماهوا
اب ايوب :ان شاء الله خير يا ولدي انت خلي ايمانك بربي كبير ....وين خوتك
رواد :رائد فوق ورامي في الجامع بعد صلينا العصر قعد يقرى في القرآن
اب ايوب :ربي ايتقبل منه ان شاء الله...شن فيه يا ولدي شغلتني قتلي نبيك في موضوع ضرورى
رواد :ياخالي امس جانا عمي هنا و.........."وحكى رواد لأب ايوب يلي صار "
اب ايوب : لا حول ولا قوة إلا بالله
رواد :اني يا خالى مابيتش انزيد معاه قلت مسكين متغشش علي خوه لاكن كان جي مره تانياوكثرها مش حنسكت
اب ايوب :احسن ما درت يا ولدى خليه عليا الموضوع واني توه انكلمه وانتفاهم معاه
رواد: ان شاء الله يقدر ايتفاهم وما ايسكر راسه
اب ايوب: ان شاء الله...خلي نركب انشوف رائد ونطمن عليه
رواد :ما اتاعب روحك توه انكلمه ينزلك
اب ايوب :لالا توه نركبله اني ومنها حتي رياضه
رواد ابتسم :بارك الله فيك يا خالي
أنت تقرأ
انا لست لأحد 🚫
Humorالسلام عليكم ...نعطيكم إشويه تلميحات علي القصه طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه واشويه من المشاكل الاجتماعيه وطبعا ما ننساش العبره و الموعضه يلي فيها وحايكون فيها واجد قصص من الواقع ... وهيا تحكي...
