عند ايوب ناض دار حمام وغير دبشه وخش يمشط في شعره علي مراية الحمام يسمع في الباب انفتح يحسابها اساور جاي بتكلم سمع صوت رواسي استغرب وقعد ساكت
رواسي:اهوا طلع الموضوع ساهل جدا توه خلي اندور الشحن ونطلع وتمت القصه ...."وقعدت اتفرج علي الدار "....الله محلاها الدار ومرتبه ما شاء الله ايوب شكله منظم مش كيف رامي يلي يقلب الدنيا وايقولي تعالي ضمي
"ايوب يسمع فيها ويضحك "
رواسي:توه وين قاعد الشحن هي ....والله كانهوا مش علي بره ماني امدوره في دروج الولد واتجي الفرخه اساور اطلعه ليا ..."شبحت الجيهه التانيه لقاته "اهوا لقيته واخيرا وهي طالعه تخبط في الكرسي واطيح"ااااه يلعن شكلك
"ايوب من دون ايراده طلع يطمن عليها "
رواسي اول ما شبحاته شهقت :بسم الله الرحمن الرحيم شن أدير هنا انت
ايوب بخوف :بسم الله كيف طحتي ...صارلك شي
رواسي مصدومه :عادي طيحه بسيطه ماصارلي شي
ايوب جبد الكرسي:نوضي عن الأرض وقعمزي فوق الكرسي
رواسي وقفت وهي متحشمه ووجهها احمر وقلبها ايدق ابسرعه :اسفه ما نحسابك فالدار اساور قاتلي مش قاعد كان هذا والله ما خشيت
ايوب ضحك :عادي مفيش مشكله خودي راحتك...اعتبري الدار دارك
"رواسي هنا قريب ماتت من الحشمه خذت الشحن من الارض وجت ابتطلع قاطعها ايوب "
ايوب ضحك :علي العموم شكرا علي مدح الدار هذا من ذوقك
"رواسي عرفت انه سمع كلامها كله طلعت علي طول لدار اساور "
"ايوب مات بالضحك علي حركاتها ودعي ربي من كل قلبه انها اتكون من نصيبه "
..........
عند رواسي خشت لي الدار وعلي طول للحمام اتغسل في وجهها :حي عليا حيي بنموت يا ربي شن هالحشمه.... كُلا من اساور الحيوانه توه انوريها "وقعدت تاخد في نفس عميق لين ردت لي طبيعتها طلعت من الحمام وحطت تلفونها في الشحن وطلعت قمزت احداهم "
.......
ايوب طلع من داره لقاهم كلهم امقعمزين في الصاله :السلام عليكم
الكل :وعليكم السلام
اساور شبحت لرواسي:حي ايوب انت قاعد
ام رواسي وأم أحمد:كيف حالك ايوب ان شاءالله بخير
ايوب جت عينه في عين رواسي ضحك :الحمد لله في أفضل حال
"رواسي نزلت راسها ووجهها راح احمر "
ايوب:امي تبي شي اني طالع
ام ايوب :سلامتك يا اوليدي رد بالك من روحك
"ايوب ابتسم وطلع "
اساور تشبح في رواسي القتها امنزله راسها فهمت انها تلاقت مع ايوب قالت في خاطرها حي عليك يا اساور :روسه ترا تعالي معاي للمطبخ
أنت تقرأ
انا لست لأحد 🚫
Humorالسلام عليكم ...نعطيكم إشويه تلميحات علي القصه طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه واشويه من المشاكل الاجتماعيه وطبعا ما ننساش العبره و الموعضه يلي فيها وحايكون فيها واجد قصص من الواقع ... وهيا تحكي...
