عند رواسي ورائد في السياره ...
رواسي:شن صار معاكم وشن قال هذا
رائد :قال متعارك مع واحدين واحد تافه يستاهل وياريتهم زادوه
رواسي بإستغراب:خيره شن دار اماله
رائد :مادار شي لاكن هكي كاره وجهه
رواسي بشك :باهي توه ايسافروا ونفتكوا منهم
"وكملوا هدرزه مع بعض لحد ماوصلوا قدام الحوش "
رواسي نزلت من السياره :شنو ما ابتنزل
رائد :اشويه ولاحقك
رواسي:تمام "وخشت "
"رائد ابتسم وخش كتب رساله لأساور ('نص ساعه فاهي بوجهك وقول ....اشهد انه وجهك ايجيب العاافيه ❤' في الجديد لما نتلاقوا معاش تسأليني كيف حالك لأن دام انتِ بخير اني بخير❤ ) وسكر تلفونه وخش "
...................
"عند اساور يلي كانت اتحول في عبايتها سمعت تلفونها وصلاته رساله جاته وكإنه قلبها كان حاس....واول ما قرتها ضحكت ووجهها راح احمر وقعدت تقرى فيها اكثر من مره ومعاش عرفت شن اترد عليه وفي الاخير اشجعت وردت عليه ب (❤) "
................
في اليوم التالي ...
"طبعا امير حاول في بوه واجد يقعد لين ايسافروا كلهم مع بعض لاكن اب امير رفض لأنه كان خايف ايدير شي وايحشمه مع خوه ومع الساعه 8 الصبح رفعه بوه للمطار وما روحش لين ركب في الطياره واطمن عليه ........وفاتوا الايام ورى بعض ومر اسبوع وفي الاسبوع هذا مفيش اي احداث جديده علي ابطالنا غير انه عائلة عادل ردوا لبريطانيا واب رواسي خبر امها بكل شي صار وهيا طبعا فرحت وقاللها اتحاول تقنع رواسي اتوافق "
...................
في حوش احمد اب رواسي.......
رواسي اتكلم في استبرق فيديوا :ايه يا حنه روحوا وافتكينا منهم لاكن عمي والله ابنفقده
استبرق :واخيراا والله الحق اتقول كانوا قاعدين علي قلبي
رواسي ضحكت : اني امس فرحانه غير تحشمت من بوي بس مابيتش انبين قدامه" قطعت عليها امها فتحت الباب "
ام رواسي: شن اديري روسه
رواسي :انكلم في استبرق
استبرق :سلميلي عليها واجد عمتي عزيزه
ام رواسي:سلمها يا ربي الغاليه قوليلها وينك خيرك معاش جيتينا ليك وحشه
رواسي: اهي تسمع فيك
استبرق :والله ياعمتي عزيزه هل الايام متوحده ما نطلع من الحوش
ام رواسي:تعالي غيري جوك وهدرزي علينا
أنت تقرأ
انا لست لأحد 🚫
Humorالسلام عليكم ...نعطيكم إشويه تلميحات علي القصه طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه واشويه من المشاكل الاجتماعيه وطبعا ما ننساش العبره و الموعضه يلي فيها وحايكون فيها واجد قصص من الواقع ... وهيا تحكي...
