ايوب بره :رواسي
رواسي تلفتت :نعم
ايوب :تعالي جنب الحوش نبيك اشويه
رواسي :شن تبي
ايوب طايرتلا :قتلك تعالي" ومشي قبلها "
رواسي :اففففففففففف..... عليك يوم اسود" ومشت وراه "
رواسي :ايوب بالله عليك بالله عليك ما نبيش انتعارك معاك خليني في حالي
ايوب مسح علي وجهه:تمام... هي حاجه وحده الفرخ هذا معاش اتكلمي معاه
رواسي :لا اله الا الله.....تمام وكان كلمني
ايوب :ما اتردي عليه
رواسي :... ايوب انت امركز علي روحك شن اتقول
ايوب حاول ايهدي روحه :امركز.... رواسي منبيش نرتكب فيه رقبه بالله عليك حاولي قد ما تقدري ما اتكلميه افهميني باللهي عليك
رواسي تشبح فيه وساكته
ايوب مسح على وجهه:ما تشبحيليش هكي... اقسم بالله ما انتحمل افهميني
رواسي اشجعت وتكلمت بعد تردد :حتي انت افهمني يا ايوب... انت عارف رايي في الموضوع... لي امته ابتقعد هكي
ايوب شبحلها بحزن :للأبد
رواسي :حتتعب هكي شوف حياتك
ايوب :مانبيش انشوف حياتي من غيرك.... ♥️
رواسي معاش عرفت شن اتقول اكتفت انها تشبح فيه ومشت وخلاته خافت اتقوله اني مش لي حد .... تكسر قلبه اكتر فاكتفت بالصمت والمشي 😔😔
ايوب مسح على راسه بعدها خبط ايده في الساس.... واتصل بي امه قاللها هيا
...............................
عند رواسي خشت للحوش وطول لي دارها واساور استغربت منها ولحقتها
اساور خبطت علي الباب وخشت :خيره الحلو زعلان
رواسي بضيق :ما تسأليش بكل اقسم بالله واصله حدها عندي... اليوم يعتبر من اكره ايام حياتي
اساور :له له ..خيرك اماله شن صار
رواسي :كل شي تخلط فوق بعضه
اساور :شن فيه احكيلي.... رواسي عندي احساس انك داسه عليا شي صح ولا
رواسي :اففففف... شن بنقولك توه يا اسو... هوا من ناحيت انه داسه شي ايه لاكن هل مفروض انقولك ولا لا مش عارفه
اساور :خزي عليك معقوله هكي اتقولي امشي يا احماره معاش اتكلميني
رواسي تنهدت : مش هكي قصدي افهميني قبل....... هوا موضوع حساس وما نبيش انزعلك
أنت تقرأ
انا لست لأحد😏😝
Humorالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
