بعد مرور شهر ...
"طبعا في الشهر هذا كانوا العيله كل يوم يمشوا لحوش احمد اب رواسي ايوتوا لعرس رواد "
في يوم الحنه ..
استبرق بحماس :قصدك العرس يلي نستنوا فيه لينا شهور اليوم ابيبدى
اساور ضحكت :تي احني لينا اسبوعين اندربكوا وانغنوا
استبرق :باهي شنو ابتمشوا اليوم
اساور :والله مش عارفه علي رواسي كان ابتمشي ابنمشوا معاها كان هذا ابنقعدوا انديروا جو بروحنا ...علي ذكر رواسي وينها صاحبتك هذي
استبرق :طلعت لي رائد اتصل بيها....حقا شن صار فيك انتي
اساور :في شنو
استبرق :في موضوعك انتي ورائد مش قلتيلي اني ورواسي تعاركتي معاه في العيد
اساور تنهدت :ماصار شي اتصل بيا كم مره ما بيتش انرد عليه
استبرق ضحكت :والله الولد ايحبك غير انتي غبيه
اساور :لا ايحبني لا شي فكيني منه ايدير في الجو بس
استبرق :اني قتلك وتوه اتشوفي القدام
"علي خشت رواسي "
رواسي وجها رايح اصفر :اففف عييت
استبرق :رواسي مش عاجبتيني اليوم وجهك رايح اصفر
اساور :عييت فيها من الصبح نوضي نمشوا المستشفى قاتلي منبيش انغشش خوتي وهم مش فاضيين
استبرق :باهي مش ضروري تمشي مع خوتك امشي حتي مع واحد من خوالك احسن ما تمرضي في ايام العرس
رواسي تنهدت :توه كان ما حسيت روحي احسن انكلمهم يرفعوني
"علي خشت مها "
مها :رواسي قولي من جي
رواسي بإستغراب : منو
مها :الغوله
استبرق :رواسي في حياتها فيه واجد غولات اين منهن تقصدي عليها
مها ضحكت :ميسون
ام رواسي خشت:روسه سلم بنتي نوضي معاي خالتك جايبه ميسون ابتعتذر منك
استبرق :شوفي الفالحه هذا وين خطرلها تعتذر
اساور :كذابه كله عشان العرس
ام رواسي بخوف :روسه خيرك اليوم حسيتك مريضه
رواسي :ما فيه شي يا امي ما اتخافي من التعب بس
اساور :ياعمتي بنتك بتهبلني انقوللها كان تبي حاجه انديروها معاك كلمينا اتقولي باهي واتقوللنا علي الحاجه الساهله والواعره تلقيها ادير فيها بروحها
ام رواسي :ديمه هكي هذي ....هي نوضي سلم بنتي
رواسي :يمي فكيني منها الحصله هذي ماعندي ليها جو
أنت تقرأ
انا لست لأحد😏😝
Humorالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
