"وخشت اساور ورواسي مشت للمخزن حطت الطنجره وطلعت تنصدم بأمير قدام وجهها "
رواسي:بسم الله الرحمن الرحيم شن ادير هنا انت
امير واضحه العصبيه عليه :تبي ال...... ايوب ولا
رواسي بخوف :شن اتخرف انت حول عن قدام وجهي
امير :اشمعنى اتجيك اميره اتقولك روحي معانا اتقوليلها لا وتوه جايه مع ال ..... هذا
رواسي عصبت وبدون ايراده ضرباته كف :احترم نفسك واعرف شن اطلع من فمك واني ماليكش علاقه بيا انروح مع من نبي ولا نقعد فوتني احسن لك لا قسم بالله انخبر عمي يعرف كيف ايربيك "وجت ابتمشي شدها امير من يدها بقوه "
امير عصب اكثر :قسم بالله يارواسي ريتي الكف هذا حنرده ليك اضعاف مضعف لاكن مش توه بعد ناخدك كان ما انخليك تكرهي اليوم يلي جيتي فيه علي الدنيا ما يبدا اسمي امير
رواسي :......
.................
"عند ايوب استغرب خشت امير بشكل هذا وخاف انه ايتلاقه هوا ورواسي وايقوللها شي نزل وراه واول ما نزل مالقاه مشي جيهت المخزن و شافه ماسك يد رواسي ورواسي اتحاول اتفك يدها ويمشيلهم يجري "
رواسي :نجوم السمي اقربلك اطلق يدي يا حقير
"امير جاي بتكلم ويقطع عليه ايوب يلي كان جاي وواضحه عليه العصبيه"
ايوب امعصب لين خلاص :حول يدك عنها يا تافه "وايدفه دفه قويه لين جي طايح وبدي فيه ضرب "
"رواسي من الصدمه والخوف قعدت واقفه وتشبح فيهم وهم يضاربوا وبعد جتها لحظة ادراك مشت تجري اتحز فيهم "
ايوب يضرف فيه : يا .....كم مره قتلك معاش تقرب جيهتها
رواسي ترعش واتحاول اتفكهم من بعض واتشد في ايوب :ايوب بالله عليك خلاص فوته توه يسمعوا يلي داخل
امير دف ايوب بقوه ووقف يمسح في وجهه وضحك بهزوه : واخيرا عصافير الحب تلاقوا ......
عارفين يلي واجعني في قصتكم شنوا انه نهاية الفيلم امتعكم مش حتكون سعيده
ايوب :انت شكلك تبي اتموت علي يدي
رواسي كانت خايفه يسمعهم حد وتكبر المشكله اكثر شدت ايوب من يده :ايوب بالله عليك فوته قاعد يستفز فيك راهوا
ايوب شاد روحه بالسيف وايحاول يهدى قدام رواسي :رواسي خشي داخل
امير ضحك بمكر : انت عارف انه عمي عنده اخ واحد ومستحيل يرفض طلبه كان جاه واني نوعدك حتكون اول من يعرف بخطبتنا
"ايوب فك يد رواسي وهجم عليه من جديد يضرب فيه ورواسي معاش عرفت شن ادير "
"وفي اللحظه هذي احمد كان جاي بيروح بأمه ويسمع في الدوشه استغرب ومشي يشبح شن فيه واول ما شاف ايوب وامير يضاربوا جي يجري ايحز فيهم "
أنت تقرأ
انا لست لأحد 🚫
Humorالسلام عليكم ...نعطيكم إشويه تلميحات علي القصه طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه واشويه من المشاكل الاجتماعيه وطبعا ما ننساش العبره و الموعضه يلي فيها وحايكون فيها واجد قصص من الواقع ... وهيا تحكي...
