عند رواد في العمل...... اول ما خش من الباب لقي وئام امقعمزه في مكتبها
رواد وقف :صباح الخير
وئام :صباح النور استاذ رواد
رواد سرح يشبح في اعيونها
(: عـَيناڪِ جَميلـۿ كَـحياةِ لا උـُزنَ فِـيۿـا 🤎𓍯.)
وئام تحشمت من نضراته :استاذ رواد في حاجه
رواد بتوتر :اااه... لا... والا انقولك ايه فيه
وئام :شن فيه خوفتني المشكله تتعلق بيا اني
رواد مش عارفه كيف ايتكلم :ااا.... جيبي فنجالين قهوه وتعالي انتكلمو في مكتبي كانك فاضيه
وئام :تمام اشويه وجايه
رواد :تمام.. .. "وخش لمكتبه"
رواد :اففففف.... يا ربي خيره الموضوع صعب هكي.... افففف متوتر لين خلاص انحس في روحي.... كيف ابنفتح الموضوع... ياارب.... وقاطعت حبل تفكيره وئام اتخبط علي الباب
رواد :احم... تفضلي خشي
وئام :السلام عليكم.... "وحطت فنجان القهوة على مكتبه وقعدت واقفه "
رواد :خيرك ما جبتي لي روحك
وئام بتوتر :الحق ما نتيش... لو ما في ازعاج نبي نعرب لو انه المشكله سببها انه اني امقصره في حاجه
رواد :اهدي اشويه...... مفيش مشكله... قعمزي نبي انكلمك في موضوع
وئام براحه:يعني مش امقصره في شي اني.... الحمد لله ريحتني...
رواد :الحق ما شاء الله عليك.... احم تفضلي قعمزي
وئام قعمزت وهي واضح عليها انها متحشمه :تفضل استاذ شن الموضوع
رواد خدي نفس :اول حاجه كيف حال امك... صحتها اكويسه يعني ولا مزال مريضه
وئام بإستغراب :امي الحمد لله.... تحسنت حالتها وولت زي قبل واحسن
رواد :باهي الحمدلله
وئام :تسلم استاذ علي السؤال... لاكن شن دخل امي في الموضوع
رواد خدي نفس عميق :وئام اني مش عارف كيف بنتكلم... ولاكيف بنفاتحك في الموضوع...الحق اني كنت انأجل في الموضوع علي شان امك مريضه لاكن توه خلاص ما نبيش انأجل اكثر من هكي........ وانتمنا انك اتفكري قبل ما اتجاوبيني
وئام وهي خلاص قريب تبكي :استاذ رواد انت تبي تفصلني من العمل... ومش عارف كيف اتقولها
رواد ضحك : شن جاب يلي انفكر فيه فيلي انتي اتقولي عليه......
وئام ساكته وامنزله راسها
أنت تقرأ
انا لست لأحد😏😝
Юморالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
