اساور:ننننننننن.... بهي يا ستي شن خاطرك يا استاده
وفي الوقت هذا ايوب وقف قدام الباب
رواسي :تعرفن والله العضيم خاطري في مشيه للبحر
ايوب واقف قدام الباب ومبتسم : خلاص تم الاسبوع الجاي نتفقو مع العيله و انعدو للبحر♥️♥️
البنات نخلعن ورعشن منه 😨
اساور :بسم الله الرحمن الرحيم.... خيركم اتخشو هكي استإذنو تكلمو جففتو الدم في عروقنا
ايوب ضحك : انتن يلي مخلوعات اني ما قلت شي
رواسي :لا يا باتي انت يلي خشيت بلا صوت.. من حقنا ننخلعو والله
ايوب يضحك عليهن
اساور :خيرك جاي شن تبي
ايوب : مش عارف شن نبي نسيتني
اساور :عدي وبعد تذكر تعال قوللنا
ايوب :قولتك...المهم ترا يا رواسي علي رحمت الوالدين طاست اميه 🙂
رواسي عبت طاست اميه ومدتها ليه :تفضل
ايوب مبتسم :شكرا ♥️..." بهمس لرواسي واروي واساور مش منتبهات " اشوي تاني تعالي للجنان الخلفي نبيك في موضوع
رواسي بنفس الهمس : والله غير احلم 😒
ايوب :والله العضيم موضوع جدي وضروري ومش متعلق بالموضوع هذاكايا
رواسي وجهها حمر :متأكد
ايوب ضحك :والله العظيم... اهو حلفتلك
رواسي :توه انشوف علي جوي....مرات انجي ومرات لا
ايوب :تمام نستنا فيك
رواسي :اني ما قلت بنجي 😒😒
ايوب :المهم نستنا فيك
رواسي :"😒
قطعتهم اساور :شن اتحشحشو انتو
رواسي :شي قاعده انتعارك اني وخوك
اساور ضحكت :ان شاء الله دوم
ايوب شبح فيها هكي 😒😒 :ان شاء الله في راسك" وطلع"
اساور انفلقت ضحك 😂
رواسي :والله انك حيوانه انتي وخوك
اساور تضحك :شن قلت اني ما قلت شي يا اروي ولا 😂
رواسي شبحت فيها هكي 😒😒 ونطرت عليها اميه وطلعت
اساور تضحك واروي المسكينه مش فاهمه حاجه
..................
قبل هذا بعشر دقايق كان احمد ايجرب يتصل بمها ويلقا فيها خارج التغطيه فإتصل بأيوب
أنت تقرأ
انا لست لأحد😏😝
Humorالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
