عند البنات في المطبخ خشت عليهن اروى ...
مها :ها اراوى بشري
اروى تنهدت :يا بنات ماعجبنيش بكل شكله عصبي وكل ما انقول حاجه ايقولي لا وكل شروطي قالي عليهن ما ايصيرش منهن ....انحس روحي رافضه الفكره
البنات: قولي والله
"اروي نزلت راسها علي اساس انها زعلانه "
رواسي:ياحنه ارفضي وافتكي منه ماعندك عليش اموافقه
اروى :مانقدرش نرفض
اساور بإستغراب:لييش ؟!
اروى شاده ضحكتها بالسيف تنهدت :حبيته من اول نظره وقلبي تعلق بيه
رواسي عصبت :اروى اتبصري صح.....بالله عليك ما اتهبليني واتخليني نرفع صوتي والناس داخل ...تي امت حلك حبيتيه وانتى حتي خمس دقايق ما سكرتيهن داخل
اروى معاش قدرت اتشد ضحكتها اكثر :هههههههههه...رواسي عصبت هههههه...والله انبصر
البنات بعدم فهم:كيف قصدك
اروى :يعنى الولد اكويس وما شاء الله عليه
اساور بفرح :يعني
اروى ضحكت :انقولوا ان شاءالله
رواسي ضحكت :خزي عليك يا احماره نرفزتيني
"وناضت هيا والبنات ايباركللها "
..........
"وبعد دقايق كلم عبدالله امه وقاللها هيا وطلعوا روحوا "
..........
"عند البنات يلي كانن ميتات ضحك علي اروى"
اساور :هههههه اني نعرف الناس الطبيعيه اتقول بجوده بيك ولا تشرفت بمعرفتك لاكن بالجودة بمعرفتك هذي اجديده
رواسي ضحكت :انتي احمدي ربك انها قدرت اتقوله هل الكلمتين كان اني والله ماضني سمعهن مني
اروى تضحك :والله يا بنات مش عارفه كيف طلعت لاكن عييت واني نضحك علي روحي
مها :باهي توه شن بصير
اروى ابتسمت :احم حاليا اني تم انضمامي لي شلت حتي خشيبي وحتي راجلي
اساور :اوووو معناها هذا اعتراف قوي انك اموافقه
اروى :والله شن بنقوللكن يا بنات اني الحمد لله صليت استخاره والولد بعد ماشفته تريحتله وخش لي خاطرى علي طول
مها :هههههه قولي انك حبيتيه واختصري علينا
اروى ضحكت :لا عاد مش لهدرجه امت حلي انحبه خلينا انقولوا ارتحتله وخش خاطري حاليا
زهره :يعني بعد مده بنقعد اخت العروس
اروى :كان ربي كتب نصيب
أنت تقرأ
انا لست لأحد😏😝
Humorالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
