انا لست لأحد😏😝

الحلقه التامنة 😼

وكملو الشباب هذرزه واسترجاع ذكريات وسط ضحكات عاليه

...................

عند رواسي & استبرق..

استبرق :اتبصرييييي....... والله يا رواسي من الاول انقولك عليه اني.... اصلن من حركاته ينفهم.. غير انتي سامحيني فيها غبيه.....

رواسي :عمري ما ركزت اني.... طول عمري نشبح فيه عادي وايعامل فيا نفس اساور... قصدي... والله لين مش عارف شن انقول

استبرق :هههههه.. وووه يا صاحبتي ياعليك مصيبه طحتي فيها .... باهي توه شن ناويه بديري... وبتفكري كيف ما قالك ولالا

رواسي :ما بندير شي ولاني امفكره في شي وبندير روحي ماكأني سمعت ولا قالي شي.... وانتي تعرفي شن رأيي في الموضوع هذا... واني اصلن مش امفكره في الزواج بكل

استبرق :ههههه كلا انتي قويه...... بهي مش قالك بنحاسبك علي اخر كلام كيف بديري... بعدين انتي مهبوله قالك بنحاسبك ومزال تكلمتي

رواسي :والله ما قدرت انخليها في خاطري..... ما بندير شي.. المكان يلي يبدا هو فيه اني انتجنبه وخلاص... يعني بنقلل من التلاقي معاه في نفس المكان

استبرق :ربي ايساعدك

"خبط باب الدار يلي قاعده فيها رواسي "

رواسي :اشويه يا استبرق... "من خشي"

زهره :روسه قاتلك خالتي عزيزه تعالي حطي مع البنات العشي... وقاتلك اساور تعالي انديرو شوط واحني اتقول حوش عزي مش حوش عرس 🤦😂

رواسي : كلا هي اساور هذي... بهي هي اشويه وطالعه صحيتي زهوره

طلعت زهره

رواسي :ايوه استبرق بعدين انكلمك...

استبرق :باهي هي باي وخبريني كان صار شي معاك

رواسي :حاضر تو يوصدك كل شي اول بأول مع السلامة

استبرق :تمام اهم شي

رواسي سكرت من استبرق وحطت علي راسها وشاح من النوع الزلاق( يعني ما يتبت علي الراس) وعدت بتساعد البنات

............................

عند البنات كملن الصْفر الرجاله وبحطن للنساوي..... خشت عليهن رواسي

رواسي :السلام عليكم

الكل :وعليكم السلام

ام رواسي :زهوره عدي كلمي الشباب خليهم اجو يرفعو عشاهم

ام اساور :توه انكلم ايوب يا عزيزه

زهره :ايه احسن يا عمتي فاطمه مانيتي نمشي

خلود ام زهره :تحشمي يا فرخه عيب ما ايقولو هكي

زهره :بهي يا ماما شن قلت اني