أمير: وشن المشكله عادي انقوللهم بتأمل جمال زوجتي
رواسي امعصبه:قسما بالله عندي ننتحر وانخش لنار ولا ناخدك يا تافه
أمير عصب :حسني الفاضك معاي اخيرلك
رواسي بصوت مرتفع:منيش امحسنتهن اقلب وجهك بره وفوتني اخير ما انخبر خوتي
أمير وقف "وفجأه ينفتح الباب "
ايوب تنرفز اول ما شاف أمير : شن أدير هنا انت
أمير بإستفزاز : اللي أدير فيه انت
ايوب شاد اعصابه بالسيف:تمام ....تعال اطلع وخلي البنت ترتاح اشويه
أمير ضحك :ومنو قالك مش مرتاحه واني جنبها
ايوب هنا معاش قدر ايتحمل :بلاش كلام فاضي واطلع هيا
أمير :نبي نفهم شن مشكلتك معاي انت
ايوب عصب وشده من سوريته بيد وحده :تبي تعرف شن مشكلتي معاك "وجي ابيضربه بكس علي وجهه شداته رواسي من يده "
رواسي خافت انه ايتعاركو مع بعض :ايوب لو سمحت اهدى...."ايوب قلبه دق ابسرعه وحول يده عن أمير "و رواسي طلقت يده"
رواسي :أمير اطلع وفكنا من المشاكل مش ناقصه والله
أمير عصب وشك انه فيه شي بينه وبين رواسي :لنا لقاء مره ثانيا وحنتحاسبوا
ايوب :أعلى مافي خيلك اركبه واني نستني فيك "وطلع أمير "
ايوب امعصب :شن كان ايدير احداك الحقير هذا وشن قالك مش قتلك كان كلمك اتخبريني ولا اتخبري حد من خوتك
رواسي بتعب: ايوب لو سمحت قتلك من قبل ما نعرفش انتكلم معاك وانت امعصب اهدى وبعدين انتفاهمو
ايوب خدي نفس عميق :تمام ...شن يبي جاي
رواسي تنفست بضيق :جاي علي اساس بقولي لاباس
ايوب :شن قالك
رواسي:كلام فاضي ما قالي شي
ايوب امعصب : رواسي قسم بالله لو ..."ايخبط الباب وايخشو اساور ورائد وأم رواسي
اساور &رائد &ام رواسي:السلام عليكم
"رواسي وايوب ردو وعليهم السلام "
ام رواسي حظنت رواسي :ابنيتي السمحه بعيد الشر عليك يا امي ...كيف حالك توه ان شاءالله احسن
"رواسي بعد شافت امها قعدت تبكي "
ام رواسي:خلاص يا امي معاش تبكي
"رائد باس راس رواسي واستأذن هوا وايوب وطلعو "
اساور حضنت رواسي :يا عمري انتي والله متت من الخوف عليك
أنت تقرأ
انا لست لأحد😏😝
Humorالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
