فتح رامي الباب واول ما فتحه انصدم 😱
وكان واقف قدام الباب........ رامي في خاطره معقوله يا رامي توه بتنفد خطّتك علي هذي لبنيه... تي هي باين عليها هاديه واكيوت واجد....... وكان يشبح في استبرق يلي كانت لابسه عبايه لونها ازرق ملكي امخصر مع وشاح اسود ليكرا وساااارح
استبرق :السلام عليكم.... معليش كلملي رواسي
رامي :سااارح ايفكر انه اينفد الخطه ولالا
استبرق حركت يدها قدام وجهه : هييي... يا اخي كلم رواسي ولا حول من قدام الباب
رامي فاق علي روحه لالا شكلها مش اكيوت بنفدها خطتي :مني انتي.... وشن تبي.
استبرق : وانت شن دخلك مني اني ولا شن نبي كلم رواسي ولا حول عن الطريق 😏
رامي انصدم يحساب روحا ابيغلبها وبحشم برواسي اشوي استبرق غلباته
رامي بإستفزاز :ما عندناش بنت اسمها رواسي.. غيرو شن تبي
استبرق رفعت حاجبها : انقولك حاجه اصلن اني الفاضيه يلي قاعده اناقش فيك ومتحمله تقل دمك... ما بعدها رواسي كيف متحملاتك
رامي زادت صدمته كيف بنت بشكلها الكيوت وملامحها الهادية تطلع هكي طويلت السان
رامي بإستفزاز : هاهاها مش شاك في روحي يا ماما.... الحمد لله اي حد نعرفه ايموت في خفت دمي وايحبني طول ما شاء الله عليا 😏
استبرق بإستفزاز اكثر منه:مسكين ايجاملو فيه صدقها يحسابها حق.... يا اخي تلقاهم مش متحملينك غير بالسيف
رامي انصدم وفتح فمه علي قمتها ليه مسكين لين معاش عرف شن ايرد عليها
استبرق طلعت تلفونها واتصلت برواسي :الو رووسه.... اني قدام الباب تعالي حولي خوك من الطريق.... اوك...
رامي في خاطره معقوله يا رامي انت تنهزم بهده السهوله وقاللها :لنا لقاء تاني وتوه انوريك تقيل الدم شن ايدير
استبرق بهزوه :هههههههه.... عدي يا مامه.... ولا انقولك حاجه... اعلي ما في خيلك اركبه 😂😂😏
رامي طارتلا :بهي توه اتشوفي...... ردي بكون قوي بكل...
علي جيت رواسي
رواسي : استبرق حبيبتي جيتي وحضنن
بعضهن
رامي في خاطره صار اسمها استبرق بااااهي حطيتك في راسي يااا استبرق... ومشي من جنبهن :رواسي اني طالع ..... وتوه ننتقم منك مره اخري
رواسي :باااي.."ودخلت استبرق للحوش وهن ايسلمن وينشدن.."
...............
في دار رواسي كانت اساور امقعمزه علي السرير وتلعب بتلفونها.... علي خشت البنات 👭
أنت تقرأ
انا لست لأحد 🚫
Humorالسلام عليكم ...نعطيكم إشويه تلميحات علي القصه طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه واشويه من المشاكل الاجتماعيه وطبعا ما ننساش العبره و الموعضه يلي فيها وحايكون فيها واجد قصص من الواقع ... وهيا تحكي...
