انا لست لأحد😏😝

الحلقه الثانيه 😆

"اهلين يا احلا متابعين 😍طبعا حتى الحلقه هذي حتكون تعريف بالشخصيات المهمه في الروايه وفي شخصيات عابره نتعرفو عليها في الحلقات ان شاء الله.... قراءه ممتعه "😁

.................
ودارو الفطور وفطرو وغسلوا لماعين خوفا من تهزيب امهم يلي بتخبر فيهم بوهم وبيعاقبهم بغسل لماعين اسبوع لي قدام 😂😂

.....

عند رواد ورواسي والام في السياره 🚐🚐

رواد :امي.... بتروحو الليل ولا بي اتغدو غادي وبتروحو ولا كيف الراي

ام رواسي :والله ما نندري... انت شنو وين بتتغدى

رواد : اليوم عندي شغل واجد في الشركه وما ضنيش انروح لليل.... وبويا مش قاعد... فاتغدو غادي واقعدو لليل وخلاص

رواسي :ايه يا امي خلينا نقعدو غادي لليل 😁😁

ام رواسي:باهي خلاص.. معناها خليني نتصل بي خواكم خليهم اجو ايتغدو غادي... ولا اجو ايقلوه كان يبو ايتغدو في الحوش هم احرار

رواسي :الحمد لله ياربي افتكيت من غسل لماعين اليوم 😂😂

ام رواسي عصبت :والله.... معناها ابتقعدي امقعمزه وما بديري شي غادي.... هذا ليش تبي تقعدي 😡

رواسي :لا يا امي مش هكي قصدي... قصدي ما بنغسل بروحي... لأن الغسل مع حد فيه جو هكي نقصد 😌

رواد :رقعي توه😂

رواسي :يا كون محضر خير يا اسكت انت

رواد :😂😂

الكاتبة : دوووجيي ♥️

.... وهم خاشين لي زنقت حوش خوالهم 🚐
شبحو حوش خالهم محمد ينزلو

رواسي :وووووه قصدكم اساور جت معناها الجو بكون سمح ما فيش كساد بكل

ام رواسي :اللهم تبت علينا العقل والدين....🤦

رواسي :هيا رودي درّس ابسرعه 😸

رواد :معااااش اتقولي روودي...

رواسي :بهي غير درس

طبعا اساور وقفت في نص الشارع تستني في رواسي 😂((خلوني انعرفكم على عيلت خالهم محمد... اوخلونا انقولو عييلت البطل 😍
الام :فاطمه طيبه وحنونه وجوها سمح هذرازه واضحك والكل ايحبها ♥️
الاب محمد :جوه سمحه ايضحك وايحب التقريم لاكن ببصاره وديمه جوه رايق
اسيل :اكبر افراد العيله قنينه وكيف امها في الطبع... مخطوبه وعرسها بعد خالتها بشهر (يعني عندهم عرسين في العيله💃💃)
بعدها انجو للبطل ايوب :امواليد 96 جوه سمح ايحب الضحك والتقريم والهياجه.. عصبي اشويه وغيوور .. شكله :ابيض شعره اسود مع لحيه نفس اللون اعيونه بنيات  طويل وعرضه ماشي مع طوله شكله ايهبل وباقي الصفات انتعرفو عليهن من الروايه 😁
اخر العنقود :اساور امواليد 2001 انداد هيا ورواسي غير هي جايه في بدايت السنه ورواسي جايه في اخرها وهيا فرحانه بيها تحساب روحها اكبر من رواسي 😂 :وصفها بنت اتهبل جوها سمح هذرازه واضحك السانها طويل ما تسكت عن حقها ابدا... شكلها :بيضه شعرها لي اكتوفها لونه بني واعيونها اسود وهيا اطول مني وجسمها حلو.. شكلها ايهبل) انولو لي الروايه 😁