احمد :اني قلتلكم من الاول... تو بنادي محامي الدفاع امتعه
رائد :منو؟!
احمد :اشويه وتعرفو
وسام جي ومعاه الكوره :جبتها منه 😎
احمد :واحد.... اتنين... ثلاثه
اروي من بعيد :اححممممد
احمد :هي امشي يا وسام تفاهم معاها لأني كان مشيتلها بنتعارك انيي وياها.. علي هل الصياح يلي اتصيح فيه وقوللها اتنقص صوتها
عبدالله بصوت واطي لمحمد :مني هذي
محمد :هذي اخت احمد
عبدالله صار اخت احمد :اهااا تمام فهمت
ايوب :هي فكنا منه يا وسام وعطيه كورته
اروي :يا احمممد
وسام مشالها :خيرك اتصيحي قدام الناس ولا تبي تهزيبه من احمد هنا
اروي :وسام جيب كورت خالد...... توه خلاص معاش القيتو بششنو تلعبو غير بكورته.... واني راسي ينتفخ من نقيقه... هاتها توه
وسام :الله الله وسام هكي حاف وين عدت خالي
اروي :ماهو انت حمقتني... هي جيب الكوره
وسام :تي خيرك ابنلعبو بيها كورت طائره..... انتي سايريه وخلاص.... ومعانا ولد غريب بايخه ايقول النساوين حاكمات في الرجاله😑
اروي :جيب 20 دينار نعطيها ليك😏
وسام :والله..... ال20 نشري بيها كورتين
اروي :خلاص تمام عطيني كورت اخلوده وعدي اشري عشره
وسام :مع انها انصابه لاكن باهي عدي خودي من جيب السوريه الزرقه يلي علي الطاوله
اروي :احسن خال في العالم
وسام :خزي مصلحه (وعدا للشباب)
احمد :غريبه كيف قبلت تعطيها ليك... هذي من النادر
محمد :حتي هو إلسان 👅مصري عنده😂
رامي :ما دبنا الكوره جت هي خلونا نلعبو
وقسمو بعضهم فريقين وقعدو يلعبو... وطبعا البنات شرن بفلوس وسام فوشار واروي عطت خالد تلفونها مش يسكت .... وقعدن ايتفرجن ويشجعن وجت استبرق وفرحن بجيتها واجد وكسدن علي ضحك وهذرزه وتقريم...... ومر الوقت بسرعه وجي وقت المرواح
ايوب : ركبوا الحاجات في سياره وحده بعدين كل واحد ياخد حاجته......... وكل واحد مع من جي ايروح.... وابنتلاقو في حوش جدي
اب ايوب :شنو ضميتو كل شي
رواسي :ايه يا خالي
اب ايوب :هي يلي يسمع اسمه يركب في السياره يلي جي فيها
أنت تقرأ
انا لست لأحد😏😝
Comédieالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
