اساور :يا بنات وين صونيت الحلويات الكبيره
رواسي :مش عارفه شوفيها في المخزن
مها :والمناديل وين
رواسي :بلكي في الصاله شوفي
مها :بالله رواسي ستفي الحلويات هنا
" علي خشت ايوب "
ايوب : باهي يلي لقيتكم هنا.. بالله شكلولنا صفرت حلويات وعصائر في شباب جايين ايعيدو
اساور :تمام انعدي انجيب المترد وانجي "وطلعت "
مها :واني خليني انجيب المناديل من الصاله"وطلعت"
"ايوب كان واقف على الباب وسارح في رواسي
رواسي حست بيه وتوترت وبدون انتباه خبطت مترد الشكلاطه طاح تكسر
ايوب انخلع وجاها :بسم الله انكسر الشر صارلك شي
رواسي عصبت :واااااااك كله منك يا ايوب..
ايوب بإستغراب : كله مني اني شن درت
رواسي انتبهت شن قالت :شي شي ما اتعدلش ردت فعل بس
"ايوب ضحك ونزل ايلم في الشكلاطه... فهم انها توترت من وجوده"
رواسي :خليهم توه انلمها اني..
ايوب :توه انلموه مع بعض
رواسي :باهي بالشويه لا تنجرح من المرش "وقعدت اتلم معاه "
ايوب :رواسي
رواسي لاهيه اتلم :هممم
ايوب :ابنسألك سؤال ونبيك اتحاوبيني بكل صراحه
رواسي توترت لاكن خلت روحها هاديه:علي حسب السؤال
ايوب :امير
رواسي بخوف :خيره
ايوب :يزعج فيك... ايقولك في شي
رواسي :لا ليش تسأل
ايوب :متأكده رواسي
رواسي :اييه....
ايوب :رواسي نبيك تعطيني وعد كان قالك شي ولا حاول ايدير شي اتخبريني طول
رواسي :ما نقدرش نوعدك
ايوب :ليش
رواسي خدت نفس عميق :لأن اني وياك نعرفو كان خبرتك بتصير مشكله ليها اول ما ليها اخر
ايوب :تمام معناها خبري رواد
رواسي :ان شاء الله
ايوب ابتسم :بااه شن جو العيد عندكم
رواسي :كساااد لين بكل
ايوب : توه بعدين كان نضت بكري وما جوناش شباب ايعيدو انقلكم اندهور بيكم
أنت تقرأ
انا لست لأحد😏😝
Humorالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
