انا لست لأحد😏😝

الحلقه الرابعه 😃

البنات حطن صفره لي روحهن وتغذن وبعد الغدي غسلن لماعين وقعدن ايهذرزن واستمر اليوم هكي في هذرزا وضحك وتقريم اساور علي ميسون وهيا قريب تنفجر وتجهيز للعرس 😂والشباب طلعو في العشيه ايهيجو....... وفي اليل روح كل واحد فيهم لي حوشه

في حوش احمد اب رواسي..... انعدو انشوفو رواسي شن ادير 😀

....................

رواسي امقعمزه علي سريرها ببدلت الصلاه بعد ما صلت العشاء اتفكر في خاطرها.. يعليك هم وخلاص ما عرفت خيره امبدري يشبح فيا هل الشلال محمد (حشاكم) متقل دمه قريب نلبس عبايه قدامه عليك صحت وجه  .. لاكن عجبني ايوب كيف رد عليه.... اففففف زعمه كيف شكله القفطان يلي نشريه لعرس خالتي اممم زعمه ناخده منفوخ وطويل.. لالا بعدين مرات انتعرم قدام الناس انطيح نقعد مضحكه وقصه كل ما إطيح حد قدامهم يذكروني  ...... (انخلوها اتفكر وانعدو نشحو أساور 😂😂)

للكاتبه :دوووجيي ♥️

عند اساور في المطبخ 😋

اساور :وووه جيعانه... وحطت نقالها علي الطاوله وعدت فتحت التلاجه طلعت ثلات دحيات وطماطمتين وفلفله

اساور :🤤🤤🤤نيتي في شكشوكه خليني انديرها... وحطتهن فوق الطاوله بدون صونيه (صحن) وهيا ماشيا بطلع الطاجين تذرهب دحيه واطيح في الارض

اساور اتلفت :بسم الله.... واتشوف المنظر وووووووه عليا وووه يا عليك نهار امغبر خير جدك طحتي توه حسبيا الله ونعم الوكيل فيك توه بتخليني انسيق المطبخ كامل 😭😭... والمطبخ غدوه عليا يعني ما بصير من الخطه الشريره انخليه لي اسيل... وووَوه عليا ووووووه والله مش وقته بكل

اسيل جت تجري :خيرك يا مهبوله اتهزبي واتعاركي بروحك

اساور : الدحيه الحيوانه طاحت توه بتخليني انسيق المطبخ كامل 😭😭

اسيل :تستاهلي😂😂😂

اساور :اسووولي حبيبتي لميه انتي مش لما انجي لي حوشك بعد تتزوجي انلم معاك

اسيل :م س ت ح ي ل.. مستحيييييل..... وحوشي انلمه بروحي ما اتخافي

اساور: خزي ما اتحشمي.. عدي اقلبي وجهك.... ان شاء الله حوشك يا اسيل يا اختي كل ما اضميه ينقلب وما يقعد مضموم في حياته

اسيل :ان شاء الله دعوه مردووده علي صاحبها مقلوبه سيقي يا فالحه يالله بسرعه

اساور :امشي يا حيوانه (حشاكم) اقلبي وجهك

اسيل :ما اتحشمي على وجهك ما بنرد عليك 🤷🤦" وطلعت"

اساور حولت الطاوله وردت الدحي والطماطم طارت منه النيه وبدت اتسيق 😌😌