رائد ايتكلم بالتلفون :تمام عطيني عشر دقايق بالكثير وجايك هي سلام توه "وسكر واول ما رفع راسه من التلفون شاف اساور ضحك " صباح الخير شن اديري بره في هل الصبح
اساور المره هذي كان واضح عليها التوتر :صباح النور ...كنت نبي حاجات من المخزن القيته امسكر
رائد ابتسم :شن الجو
اساور :الحمد لله تمام وانت
رائد :الحمد لله
اساور :تبي عمتي عزيزه ان ...(قطع عليها رائد )
رائد حب انه ايقوللها كل شي :عندك وقت انتكلموا اشويه وانبررلك موقفي
اساور نست استبرق وقررت انها تسمعه :تفضل
رائد ابتسم :اول حاجه نبي انقولك اني اسف علي كل كلمه قلتها ليك ونبيك تعرفى انه اي حاجه قتها ليك من غير قصدي
اساور تنهدت : اني يا رائد يلي حمقني منك هذاك اليوم طريقة كلامك لأن بجد منحبش حد ايكلمني بطريقة الامر هذي كان بإمكانك اتكلمني بطريقه احسن ....وما عرفت ليش درت هكي اصلا
رائد خدي نفس عميق ايحاول ايخفف من توتره :عندك الحق في كل كلمه قلتيها.....واصلا مش عارف شن بنقولك وكيف ابنبدى
اساور ابتسمت : مش ضروري اتقول شي ....انت بس معاش اتكلمني بنفس الطريقه وخلاص انسكروا علي الصفحه ونفتحوا صفحه اجديده
رائد :....
(نمشوا انشوفوا استبرق شن صاير فيها )
........
عند استبرق في المخزن
استبرق خشت وخلت الباب مردود اشويه اتشوف منه :افففف استغفر الله العلي العضيم اني شن طلعني بس كله من الفرخه مها
"رامي كان راقد وفي تقليبته للجيهه الثانيه سمع صوتها استغرب "
استبرق سمعت الحركه تلفتت وترعش مع بعضها بصوت واطي :بسم الله الرحمن الرحيم منوا انت
رامي انخلع حتي هوا :انتي يلي منوا وشن اديري في المخزن "وجاي بحوّل البطانيه "
استبرق بعد ركزت علي الصوت عرفت انه رامي :ما اتحولهاش قاعده بلا حجاب اصبر اشويه وطالعه
رامي ما فهم شي :تي انتي منوا ....وشن اديري هنا
استبرق متوتره :افففف استغفر الله العلي العضيم ....اني صاحبة رواسي طلعت بره وسكروا علينا الباب وخوك جي اطريت انخش هنا اشويه خليه يمشي
وتوه نطلع .....اسكت لا يسمع صوتنا وبعدها انخشوا في قصه طويله عريضه
رامي :شن اديري هنا يا مهبوله مالقيتي وين تعقلي غير في المخزن توه كانوا جاي للمخزن حليها انتي بعدين
استبرق تنرفزت :والله مافي مهبول غيرك امخلي كل المكانات وجاي بايت هنا ...وبعدين اساور قاعده بره ما بتخليه ايخش
أنت تقرأ
انا لست لأحد 🚫
Humorالسلام عليكم ...نعطيكم إشويه تلميحات علي القصه طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه واشويه من المشاكل الاجتماعيه وطبعا ما ننساش العبره و الموعضه يلي فيها وحايكون فيها واجد قصص من الواقع ... وهيا تحكي...
