احمد :ايوب فكنا من الجو انت فاهم شن نقصد
ايوب توتر :مش فاهم شن شن قصت رواسي قصدك لما مرضت ولا شنو
احمد :تمام توه انوضحلك اكثر.... من الاخير انت تبيها
ايوب والتوتر باين علي وجهه :شن الكلام الفاضي يلي اتقول فيه هذا رواسي بنت عمتي كيفها كيف باقي بنات العيله شن دخل نبيها في الموضوع
احمد كان فاهم انه ايحبها لاكن حب يلعب عليه :تمام ريحتني لأن عندي صاحبي كم ليه ايدور علي بنت بصفات معينه والصفات هذي كلها في رواسي وهوا الحق ولد ما ايتعوض فقلت خلي انشوفك قبل وكان مافي شي بعدها اندزه عليها واني مرتاح
ايوب مصدوم:اتبصر انت صح
احمد بإستفزاز:علاش بنبصر والله شاب اكويس ومافيه ماينعاب الحق واني غالي عليا ونبيله الخير
ايوب عصب وبنفعال :تبي عينك انت وياه ...قسم بالله يا احمد إدله علي رواسي هوا ولا غيره معاش ايصير خير
احمد ابيضحك خلاص :خيرك يا راجل شن قلت اني ليش عصبت
ايوب وجهه احمر من العصبيه :فكنا من الجو البايخ وانت عارف ليش
احمد :تي كيف عارف ليش مش قلت ما تبيها ليش هل العصبيه كلها
ايوب بإنفعال :نبيها وانحبها تمام هكي ... وإدل عليها أي حد معاش نعرفك
"احمد هنا معاش شد في روحه و ضحك"
ايوب امعصب:مفيش شي ايضحك علي ما اضن
احمد :هههههه ...بالله شوف منضر وجهك قسم بالله ايضحك..... عارف من قبل شاك فيك واليوم يلي مرضت فيه تأكدت
ايوب بغيض :متخلينيش توه انذكرك بمنضرك ايامات مها
احمد ضحك :علي الاقل اني قلتها ليك مش فضحني اعيوني وحركاتي
ايوب بإستغراب :كيف فاضحاتني حركاتي شن ريتني درت
احمد :هههههه معاك الحق ما اتشوف في روحك تي نهارتها قسم بالله امقعمز بينا كلنا وبكل صحت وجه وبدون ما اتحشم اعيونك عليها هي وبس
ايوب :باهي خلاص سكر علي الموضوع وانت ما صدقت
احمد :هههههه...خلاص سكتت وعلي العموم موضوع صاحبي مفيش منه غير نجبد منك في الكلام
ايوب :عارفك خبيث وتافه من يومك
احمد ضحك :هي ما اتوصي علي شي ابنمشي علي حالي
ايوب :ما نبي منك شي غير رد بالك تنسي موضوع الولد
احمد وقف جنب الباب :لالا اعتبره تم ان شاءالله...المهم توه
أنت تقرأ
انا لست لأحد 🚫
Humorالسلام عليكم ...نعطيكم إشويه تلميحات علي القصه طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه واشويه من المشاكل الاجتماعيه وطبعا ما ننساش العبره و الموعضه يلي فيها وحايكون فيها واجد قصص من الواقع ... وهيا تحكي...
