انا لست لأحد😏😝

الحلقه السادسه 😏

واول ما ركبت رواسي ايوب اسكر الباب عليها بالمفتاح (والباب ما ينفتح الا كان هوا فتحه) وعدا ركب من قدام

رواسي انخلعت :بسم الله خيره الباب.... ليش اسكر 😐

ايوب ولع السيارة:اني سكرته ابلعاني... نبي نحكي معاك في موضوع 😠

رواسي توترت وخافت :واحكي بره ليش ضروري في السياره ..... وخيره ولعتها السياره.... وقعدت تفتح في الباب..... لو سمحت افتح الباب..... كان شبحني حد شن بيقول هي 😧

ايوب :ما نبيش حد اقاطعني بنعدي اني وياك لي مكان هادي بنقولك الكلام يلي عندي وبنرد بيك

رواسي خلاص قريب اتموت من الخوف :انت شن اتقول هبلت رسمي رانا مش اجانب ره... افتح الباب بلا ابصاره عبيطه ....... افتح هيا

ايوب مشي بالسياره :اني يلي عندي قلته(وطبعا
محمد راهم وحمق قريب انفجر)

رواسي :ايوب بلا جو بايخ رد السياره ونزلني والله انخبر رواد ره هي ساد منها لبصاره

ايوب ما رد عليها وكمل مشي..... ورواسي ما حبت اتكلم لين تعرف شن بدير لان عرفاته متعصب وواصله حدها عنده وخافت يفصل فيها ..... وكملو الطريق ساكتين

بعد اشوي وصلو علي طريق بحر قدامها مبني قديم .... ايوب درس السياره وقال لرواسي انزلي

رواسي بعناد :منيش نازله انت جبتني هنا غصب... فأن بندير يلي نبيه ومش نازله

ايوب:افففففف... رواسي انزلي والله ما عندي اخلوق للعراك معاك... وايكون في علمك كان ما جاوبتي علي اسإلتي منيش امروح بيك وخليها وين ما توصل توصل

رواسي ابتنفجر من الغضب :قتلك منيش نااااازله...... خييييرك انت فهمني شن تبي مني..... ايوب راهي زادت عن حدها ردني اخيرلك

ايوب :ما تبيش تنزلي..... اوكي تمام... اني ابنركب من احداك مش انتفاهم اني وياك

رواسي توترت وخافت وتحشمت في نفس الوقت :شن اتقووول انت خيرك هبلت ولا انجنيت ولا عندك حراره ..... بالله يا ايوب ردني والله ما انتفاهم معاك ره

ايوب :ايه هبلت وانجنيت وعندي حراره... (وفتح الباب) وتوه ابتنزلي ولا نركب اني

رواسي بعد ما فتح الباب هي فتحت الباب من جيهتها

رواسي وهي طايرتلها :اني نزلت بهي.... هي شن تبي هي.... قول يلي عندك

ايوب في عقله ايوه من الاول خليك بنت شاطره :ابنسألك ثلاته اسإله جوبتي تمام ما جوبتي اني قاعد اني وياك هنا

رواسي :........

.........................................

انشوفو حوش الجد شن صاير فيه 😧