اميره :رواسي ابنحكي معاك في موضوع
رواسي شبحت فيها :ان شاء الله خير
اميره :لاكن بشرط ما اتعصبي
رواسي :علي حسب الموضوع
اميره :.. بنقولك... هواا...
رواسي :تكلمي شن فيه
اميره: هوا تبي الحق الموضوع ايخص امير خويا
رواسي :وشن دخلني فيه اني 😠
اميره :ها ريتي ما كملت كلامي وهكي عصبتي
رواسي تنهدت :تمام تكلمي
اميره :بصراحه امير كلمني وقالي نبيك اتقولي لي رواسي انه اني معجب بيها... اووو يبي ايدير معاك علاقه ويشبح كان تفاهمتوا تمام وكان ما تفاهمتوا بيفوت الموضوع وكل واحد يمشي في طريقه ... وطبعا الموضوع يقعد بينكم ما يطلعش لي العيله...
رواسي مصدومه:هه... اتبصري صح!؟
اميره :لا انتكلم جد... شن رايك اموافقه
"رواسي مصدومه تشبح فيها وساكته "
اميره :راهو اهم شي عند امير انه الموضوع ما يطلعش للعيله
رواسي عصبت و فصلت فيها :شنن تحسابيني انت وخوك لعبه ولا شنووو
اميره :خييرك انتي عادي الموضوع ما فيه شي كلميه وشوفي يركب جوك معاه ولالا
رواسي :انت من عقلك اتكلمي...
اميره تشبح فيها وساكته "
رواسي تنفست بيقوه :قولي لي خوك الخامر يحترم نفسه خير ما انخبر رواد ايخربله وجهه يلي فرحان بيها تمام... وقوليله قاتلك رواسي الفرخات يلي يمشن مع جوك واجدات امشي دور وحده منهن لأن اني جو المفرخ ما يمشيش معايا واني مش لعبه يلعب بيها ويرميها اسمعتي
اميره عصبت :خلاص يا اوخيتي قولي عندي واحد و ما نبيشي وتمت مش ضروري هل الفيلم كله
رواسي عطتها كف سمح وشدتها من دبشها :اقسم بالله يا اميره خليني محترماتك خيرلك... راهو مانبيش نغلط فيك و.. "وايخش عليهن رامي"
رامي جي يجري :هييييي خيركن "وفك رواسي منها" رواسي شن اديري شن لهبال هذا
اميره قاعده مصدومه من الكف
"رواسي امعصبه واعيونها ادموع فكت يدها من رامي بقوه وطلعت"
رامي امعصب :رواسي عمرها ما مدت يدها علي حد شن قايلتيلها انتي
اميره اتساوي في دبشها وشعرها :ما قلتلها شي... كان اختك عدوانيه ما عندي ما انديرلها
أنت تقرأ
انا لست لأحد😏😝
Humorالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
