عند الشباب
رائد :يا شباب تعالو للمربوعه كان تبو فطور
رواد :رواسي قاتلك
رائد :ايه
محمد :شكلها الحكومه
رواد :تقدر اتقول هكي.......... هي انطلقو للمربوعه انصلي وانجي
وطلعو الشباب للمربوعه
رامي اينادي :رواسي.. "طلعتلا اساور"
اساور :قاتلك شن تبي مش فاضيه
رامي :قوليلها قالك تعالي ضروري
رواسي من داخل :مش فاضيه شوف حد غيري قوليله يا اساور
احمد من المربوعه :رامي وين جهاز التلفزيون
رامي :جايك... قوليلها قالك بعد تفضي تعالي نبيك "وعدى "
اساور :باهي 😒
مها تفتح في التن :خيرك ما طلعتيله يا رواسي
رواسي :هكي حامقه منه اليوم
اروي :حسيتك اشبح كيف اتكلمي فيه
اساور :المهم توه شن مزال
رواسي :خلاص تمينا... جيبي الخبزه والفوطه يا اساور واني توه نرفع الصفره.... وانتن يا بنات ابدن توه انجو احني... وخلونا انعدو لي النساوين توه يحمقو علينا "ورفعت رواسي واساور الفطور لشباب"
اساور اتخبط علي الباب
رائد :خش
رواسي :تعال افتح يا رائد شاده الصفر
رائد فتح
اساور :هاك اطرح الفوطه و شد الخبزه
رائد شدها منها :باهي غير لاتقتليني مع يلي امبدري
اساور :هاهاها... ما اضحك..... رواسي مشيت قبلك لا ننجلط من دم خوك التقيل
رائد يطرح في الفوطه :خليني 😏
رواسي :هيا شد مني الصفره راهي تقيله
رائد :ايوب بالله خودها منها
ناض ايوب رفعها
ايوب بصوت واطي : خيرك حامقه
رواسي :ايوب مش ناقصتك حتي انت... شد الصفره وخليني انعدي
أيوب شدها منها :تمام.... دخلي شعرك وبعدين انتفاهمو
رواسي :ااففقفففف... "ودخلت شعرها ومشت"
ايوب ضحك:بدت تسمع في الكلام... فيه تحسن 😂😂
رواد :باهي ما فاتني الفطور
أنت تقرأ
انا لست لأحد😏😝
Humorالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
