رواسي حطت التلفون وتنهدت وقعدت اتوتي في الغدي "
"ايوب اول ما شافها ابتسم وخبط علي باب المطبخ "
رواسي بدون ما تلتفت : تعالي ياكلبه مش حنديرلك شي
ايوب : اني ايوب مش الكلبه
رواسي تلفتت بتوتر :حيي نحسابك اساور معليش ..كيف حالك ايوب
ايوب ضحك :الحمد لله ..شن جوك وشن امدايره
رواسي :الحمد لله تمام "ومعاش عرفت شن اتقول وكيف تبدى " ايوب نبي نتكلم معاك في موضوع
ايوب ابتسم :تمام نستنى فيك في مكانا المعتاد "وطلع "
رواسي ضحكت :طلع الموضوع ساهل غير اني امكبراته .....توه كان اني طلعت من بصب الغدي حتي اني غبيه مفروض ماقلت لأساور تمشي جنب جدتي ..."بعتتلها رساله " ...تعالي صبي الغدي يا كلبه "
اساور قرتها وردتلها :"تمام هي جايه يا بنت عمت الكلبه "
.......
"رواسي خدت نفس عميق وطلعت لجنب الحوش لقت ايوب امقعمز يستني فيها واول ما شافها وقف "
رواسي متوتره : معليش طولت عليك
ايوب ابتسم:عادي نستناك العمر كله
رواسي وجهها راح احمر: ايوووب
ايوب ضحك :خلاص خلاص والله...تفضلي شن تبي اتقولي
رواسي :احلف انك اتقول الحق
ايوب فهم انها ابتسأله علي امير :والله انقول الحق
رواسي:وينه
ايوب بإستغباء :من هوا
رواسي: ايوب فكنا من الجو انت عارفه علي من نقصد
ايوب :واني وين نندري عنه
رواسي:ايوب راهو حلفت اتقولي الحق
ايوب ضحك :قاعد
رواسي بصدمه : يعني انت خاطفه
ايوب :خلينا انقولوا جاي زياره عندنا مش خاطفه
رواسي بضيق : ايوب كيف ادير هكي معقوله مش علي اساس قتلي تم الموضوع واسكر وتوه تمشي تخطفه
ايوب ابتسم:هوا تسكر لين ...."وحكالها شن صار معاه من لما بعتله الرساله "
رواسي : باهي كيف بصير توه
ايوب :بنخليه اشويه عندى لين ايتربى وبعدها نطلقه
رواسي:ايوب بالله عليك اطلقه فكنا من المشاكل
ايوب :ايصير خير
رواسي: ما اتقوليش ايصير خير اليوم اطلقه الله ايربحك
ايوب بغيره : رواسي خيرك معقوله هذا كله خايفه علي الفرخ هذا
رواسي انصدمت من كلمته :شن تحكي انت..ايوب تسمع في روحك شن اتقول ..اني خايفه يمشي وايقول لي بوي وعمي انه انت يلي خاطفه وبوي مستحيل تقعد معاملته معاك زي قبل لأن في الاخير ولد خوه
أنت تقرأ
انا لست لأحد 🚫
Humorالسلام عليكم ...نعطيكم إشويه تلميحات علي القصه طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه واشويه من المشاكل الاجتماعيه وطبعا ما ننساش العبره و الموعضه يلي فيها وحايكون فيها واجد قصص من الواقع ... وهيا تحكي...
