ايوب :اساور شن قايلك اني علي المشي علي رجليك
"اساور سكتت واعيونها ادموع "
ايوب بصوت عالي :لما انكلمك ردي عليا...
اساور بصوت مخنوق :ما تمشي علي رجليك اني نرفعك لوين ما تبي
ايوب :وانتي ما قدرتي تستنيني ودرتي دير راسك ولالا تمام ...."سكت اشويه"....... رواسي شن قايلك حتي انتي
رواسي اتنفس بقوه ومش قادره اتكلم "
ايوب بعصبيه :انكلم فيك
رواسي هنا ظلمت قدامها ومعاش تشبح فيهم وبصوت متقطع :ا يو... ب... اا..ني....."واطيح يغمى عليها"
ايوب جي يجري مخلوع :رواسي... رواسي تسمعي فيا
اساور :رواسي ..."واتخبط علي وجهها" رواسي تسمعي فيا ... ايوب شوفها يا ايوب
ايوب معاش عرف شن ايدير :مديلي الشيشه يلي غادي ابسرعه
"جابتله مها الشيشه وقعد ايبخ علي وجهها ورواسي مفيش اي ردت فعل "
اروى بخوف : ارفعوها المستشفى يا ايوب ابسرعه البنت مش مستجيبه معانا
ايوب رفعها :اساورافتحي الباب ابسرعه "وفتحت اساور الباب وطلع بيها"
"شافوهم الشباب جوهم يجرو"
رواد بخوف :بسم الله خيرها رواسي
رائد خداهامن ايوب : خيرها يا ايوب شن صار
ايوب :مش وقته توه جيبها ابسرعه لسياره
رامي :تي اجرو باهي شن تستنو
"وركبوها في سيارت ايوب ومعاها رواد ورامي ورائد قاللهم تو نلحقكم "
رواد راكب من قدام ومتلفتلها :رواسي... رواسي اوخيتي نوضي... كيف صار هكي يا ايوب
ايوب بخوف :والله ماني عارف فجأه طاحت علينا
رامي يخبط علي وجهها: رواسي.. روسه تسمعي فيا..... رواسي...." ورواسي مفيش اي ردت فعل ".... اجري يا ايوب ابسرعه الله ايربحك
ايوب : اهو وصلنا
"درس ايوب السيارة ونزل رواد ابسرعه رفعها وخشو بيها يجرو لي الطوارئ"
الدكتوره :خير خير ان شاء الله لاباس.... حطها علي السرير هنا
رواد :فجأه داخت ولما انوضو فيها مفيش اي ردت فعل
الدكتوره :ان شاء الله خير وكلمت الممرضات ينقلنها لي غرفه ومشت معاهن
"رواد حط ايديه علي راسه وقعمز"
علي خشت رائد هوا و احمد :شن صار شن قالو
رامي :توه دخلوها والدكتوره معاها
رائد :ايوب فهمنا شن صار بالزبط
ايوب :والله مش عارفه شن بنقولك فجأه طاحت و اغمى عليها
أنت تقرأ
انا لست لأحد 🚫
Humorالسلام عليكم ...نعطيكم إشويه تلميحات علي القصه طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه واشويه من المشاكل الاجتماعيه وطبعا ما ننساش العبره و الموعضه يلي فيها وحايكون فيها واجد قصص من الواقع ... وهيا تحكي...
