"وركبوا الشباب يجروا وسئلوا الممرضه في الطابق الثاني دلتهم علي مكانه واول ما وصلوا تلاقوا مع الدكتور طالع من العنايه "
رواد بخوف :السلام عليكم دكتور طمنا الله ايربحك كيف حال بوي
الدكتور :وعليكم السلام ...انت ابن المريض احمد ال....
رائد بخوف :ايه احني اولاده طمنا بالله عليك كيف حاله توه
الدكتور خدي نفس عميق:ياخوي بوك تعرض لهبوط ضغط حاد خلاه يفقد وعيه وشكله ماتمش سعفه ابسرعه وللأسف الاكسجين نقص علي الدماغ وهذا الامر ادى لدخوله في غيبوبه
رائد مصدوم :لا اله الا الله...كيف يا دكتوه ما فهمتش امته اينوض منها الغيبوبه هذي
الدكتور :مش حنكذب عليك وانعلقك في اوهام بعدها تنصدم
محمد :يا دكتور قول يلي عندك بالله عليك الشباب مش ناقصهم
الدكتور تنهد : يا خوي بوك ماتمش اسعافه بدري وهذا الشي خلى نسبة نوضته من الغيبوبه زي نسبة وفاته بالزبط لوقدر الله
"رواد معاش قدر يوقف اكثر وقعمز علي الارض و رامي من الصدمه كان واقف بس اما رائد شد في الحيط ايحاول ايوازن نفسه عشان ما ايطيحش والشباب كانوا ايحاولوا يسندوهم "
ايوب :وحد الله يا رواد راهو رحمة ربي كبيره وما تندري علي ربي شن كاتب
الدكتور :يا شباب اني ما قلتلكم هكي بيش تيأسوا لا بالعكس اني حاليا قلتلكم هكي نبيكم اتخلوا ايمانكم بربي كبير وتدعوله وماتنسوا انه الدعاء ايغير القدر
محمد :بارك الله فيك يا دكتور
الدكتور :وفيك بارك الله ... ياريت واحد من ابناءه يعطينا رقمه نقدروا نتواصلوا بيه معاه لو صار شي
محمد :اشويه وايجيك واحد من اولاده
الدكتور : تمام ...وان شاء الله لاباس عليه "ومشي "
احمد مسك رائد :رائد انت اكويس
"رائد معاش قدر يوقف اكتر وقعمز في الارض حتي هوا علي جيت خوالهم ورجالة خالاتهم وانخلعوا من منظر الشباب "
اب ايوب بخوف :شن فيه يا شباب شن صار
محمد بحزن :عمي احمد صارله هبوط ضغط حاد وللأسف خش في غيبوبه
اب احمد :لا حول ولا قوة الا بالله
اب ايوب بحزن واضح علي وجهه :يا شباب وحدوا الله ووكلوا امركم ليه راهوا كل شي بيد ربي وربي يحيي العضام وهيا رميم
"رائد حط ايديه علي اعيونه يمسح في ادموعه يلي ماقدرش ايشدهم اكثر "
اب ايوب حس انه رامي خاش في عالم اخر :رامي يا ولدي قول لا اله الا الله
أنت تقرأ
انا لست لأحد 🚫
Юморالسلام عليكم ...نعطيكم إشويه تلميحات علي القصه طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه واشويه من المشاكل الاجتماعيه وطبعا ما ننساش العبره و الموعضه يلي فيها وحايكون فيها واجد قصص من الواقع ... وهيا تحكي...
