"وكلمتهن اساور وطلعن ركبن في السيارات بالكيفيه هذي.... ايوب معاه اساور وهاله واروى ومها.... ورائد معاه رواسي وميسون وزهره واحمد سيارته فيها العشي هوا ومحمد... ووصلو لي الصاله بعد تسطريب وجو داروه الشباب"
....................................
وبدت الصاله تزحم وكانن البنات ايهيجن علي المنظومه
المشرفه علي الصاله تتكلم بالمقرفون :لو سمحتو الكل يجلس في مكانه العروس وصلت و بدخلها خوها يلي ابتلبس حجابها تلبس
اساور : صحيتي... نبو الاغنيه هذي بتخش عليها
المشرفه :حاضر
"وعدت اساور هيا وامها يستقبلن في اسيل"
..........
في حجرت الانتظار
اساور امدمعه :يااا قلبي عليك اسولي طالعه اتهبلي
اسيل اتمروح بيدها مش ما تبكي :اساور بالله عليك فكينا شاده روحي بالسيف ابنبكي
ايوب كان طالع ايهبل بالبدله الرسميه :ربي ايهنيك ويسعدك بتخلي مكانك والله
ام اساور تمسح في دموعها :ربي ايفرحني فيكم كلكم
اسيل نزلو دموعها :غيرت رايي معاش متجوزه بكل هي
اساور ضحكت وتمسح في دموعها :لا وين والناس يلي داخل شن انقولولهم
ام اساور قرت عليها المعوذات هيا وايوب : هيا ايوب دخلها
ايوب :يارا ضروري انخش اني خيره ما دخلها راجلها
اساور :ويبا خيرك تكلمنا فيه الموضوع وقلنا راجلها بطلعها
اسيل بحزن : عادي كان ما تبيش ويبا انخش حتي بروحي
ايوب ابتسم :والله ما صارت.. غير انحس في روحي متوتر
اساور ضحكت :اماله في عرسك شن بدير
ايوب ابتسم :مش عارف
"علي خشت المصوره "
المصوره :السلام عليكم
"ردو عليها السلام "
المصوره :اتحبو انصوركم هنا ولا داخل
اساور :ايوب شنو اتصور داخل؟؟
ايوب :فكيني بندخلها وابنطلع طول هنا احسن
المصوره :تمام
"وخدتلهم لقطات وطلع ايوب بأسيل واساور والمصوره قدامهم ايصورو فيهم وخشو علي اغنيه هاديه علي العروس ... وكانن البنات كلهن ايتهامسن علي ايوب وجماله وكيف طالع حلو"
أنت تقرأ
انا لست لأحد😏😝
Mizahالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
