انا لست لأحد 🚫

الحلقه الخامسه 😉

تسريع في الاحذات......

مر اسبوع كامل ورواسي معاش عدت لا لحوش جدها ولا عدت شرت قفطان وقعد علي العررس 4ايام وجي اليوم يلي اتفقت فيه هيا واساور بيعدن وبيرفعهن ايوب

عند رواسي... ناضت الفجر صلت وقرت اذكار الصباح وولت رقدت 😴😴

.......

ناضت مع الساعه 10:30 لقت امها في المطبخ اتوتي في الفطور وبوها احداها

رواسي :صباح الخير ❤️

الام & الاب :صباح النور

رواسي :بويا اليوم بنعدي لي حوش خالي محمد ابنشري قفطان نبيك ترفعني و نبي افلوس عادي تعطيني 😌😌

اب رواسي :اممممم.... ضروري منه هو القفطان

رواسي بزعل :علي راحتك كان ما تبيش ولا ما عندك مش ضروري عادي

اب رواسي:قريب تبكي هي... شن مش ضروري منه... اني كان ما عندي نسلفلك حني سلف اهم شي تاخدي يلي تبيه.... وربي ايقدرني اني ما انقص عليك حاجه ☺️

رواسي فرحت وجت اتبوس علي راسه :ربي يحفضك ليا وايطول في عمرك وما يحرمني منك

اب رواسي :تسلمي ابنيتي... اني شن عندي اهم منك ومن خوتك

ام رواسي:لااا عاد هكي اني ابنزعل 😕

اب رواسي :عاد شن جاب انتي الاصل وبلاك انتي الحياه ما تسوى 😉

وام رواسي هنا تحشمت معاش عرفت شن اتقول :ربي يحفظك يا غالي

اب رواسي :ويحفظك لينا ان شاءالله..... رواسي اني مش حا نقدر نرفعك قولي لي واحد من خوتك

رواسي :بهي تمام

اب رواسي :وتوه نبي حاجه من ابنيتي حتي اني

رواسي :اطلب وتمنى شبيك لبيك رواسي بين ايديك 😂

اب رواسي :نبي طاست قهوي طيبه من ايدين بنتي السمحه انحصل ولا لا

رواسي :حاضر من اعيوني 😍

وعدت رواسي ادير في القهوي.... علي خشت رواد ورائد...

رواد & رائد :صباح الخير....

رواد :رواسي بالله احسبينا في القهوه

الام & الاب & رواسي :صباح النور

رواسي :حاضر 😊

اب رواسي :اماله وين رامي

رواد :رامي تبيه انوض من توه يا بويا هذي ما بتصير حتي في الاحلام

اب رواسي:باهي واحد منكم انتو الاثنين يرفع اخته لحوش خالكم محمد بتعدي للمحلات

رواسي اذكرت شن قاللها ايوب هذاك اليوم.. شبحت في خواها إكويس تحسابه خبرهم لاكن القتهم طبيعيين تريحت قات في خاطرها :بهي ما شاء الله عليه طلع فيه الخير وما خبرهم 😌