اروي :باهي به... افتحي توه جاني الفضول نعرف شن الفيديو 😏
مها فتحت ووصلها فيديو من احمد.... وكان لما ايوب يضرب في حازم... مها بصدمه :هذا حازم 😳
اروي حتي هي مصدومه :وهذا ايوب واشبح من معاهم ثاني ..... شن جاب ايوب معاه زعما.. .... حييي يا مها زعما سمعنا 😱
مها :لالا ما ضني من الاكيد احمد خبره
احمد في رساله :حبيت اندزلك الفيديو مش تتأكدي انا خدينالك حقك من هذا الحقير.... ياريت بعد ما تشحيه تمسحيه طول 🙂
مها :شكرا واجد يا احمد.... وسامحني... والله انحس روحي متحشمه منك😢.... حاضر توه نمسحه...
احمد :العفو..... ما اتحشمي لا شي كلنا نغلطو واهم شي انك اتكوني تعلمتي من غلطك ....
احمد :وحاجه ثانيه نبيك تنسيه الموضوع واتلوحيه من راسك... تمام
مها :تمام....عادي نسألك سؤال متعلق بيه
احمد :تفضلي
مها :تسجيلات الصوت نيتي نعرف في شنو استعملتوهن... لو مافيش اجعاز
احمد :التسجيلات استخدمناهن مش يفتحلنا الباب.. فهمتي
مها :اهااا... ايه فهمت
احمد :خلاص سكرنا علي الموضوع
مها :ايه مات بأرضه
احمد :تمام... هي تبي حاجه
مها :سلامتك.... بنقولك عادي اتوصلني لحوشنا وكان ما تقدر نتصل بي بابا ولا محمد
احمد :لا مفيش مشكله.... قولي لي اروي اتوتي روحها مش تمشي معانا
مها :تمام... وشكرا من اجديد 😊
احمد :العفو... بعد ما اتوتو روحكم قولي لي اروي تتصل بيا تمام
مها :تمام
اروي :ايوا احني الهدرزه والجو 😂😂
مها :هاهاها ما اضحكي... قتلا روح بيا بس
اروي :امممم... صدقتك ماهو اني.... المهم شفتي يلي معاهم... طرف 😂😂
مها :خوك احمد احلا منه 😒
اروي :ههههههههههههههههه.... وقولتيلي لا...... هههههههههههه.. والله ما ايولي اسمي اروي كان ما تقعدو اتمعشقو 😂😂😂😂😂
مها :انقولك حاجه اني الحيوانه يلي قاعده احداك... انعدي انوتي روحي مش انروح افضلي... وتعالي وتي روحك مش اتوصليني..... عبيطه "وطلعت"
اروي بصوت مرتفع اشويه :تمااام يا..... تعرفي التكمله ولالا ههههههههههههه
مها من بعيد :حيوااااانه
أنت تقرأ
انا لست لأحد😏😝
Humorالسلام عليكم.... نعطيكم إشويه تلميحات طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه والجو السمح وطبعا ما ننساش العبره و الموعضه يلي فيها وحا ايكون فيها واجد قصص من الواقع ... وهيا تحكي عن بنت عايشه حياتها ما ات...
