وفي اللحضه هذي احمد معاش تحمل يسمع اكثر من هذا وخش عليهن في المطبخ
البنات كلهن انخلعن من خشت احمد ووجههن راح اصفر ... اما رواسي ومها يلي كانن امقعمزات علي الكراسي من الصدمه جن واقفات واعيونهن توسعن 😰
احمد خش عليهن وكان وجهه احمر وباين عليه الغضب
اروي :احم.. احممد.... خيييرك شن تبي جاي 😰
احمد ووجهه احمر وايتكلم بغضب : اني توه طالع للجنان الخلفي باهيي... خمسس دقايق يا مهااا اقسم بالله خمس دقايق ما تلحقيني بتشوفي شي عمرك ما ريتيه في حيااتك واني حدرتك...وتلفت ابيطلع
هنا البنات كلهن خشن في صدمه وفهمن انه احمد سمع كل الكلام 😱.... اروي حبت تدخل
اروي بخوف : يا احم..... "قاطعها احمد"
احمد بصوت مرتفع اشويه :ولاااا كلللمه.... اسمعتي يا أروى...... ما نبيش نسمع من اي وحده فيكن كللمه... شن ناويات بدييرن قبل ااااه.... قوولن... شن ناااااويات ..... "البنات كلهن في هذي اللحضه امنزلات راسهن لوطه ويسمعن مفيش وحده منهن نطقت بحرف.... اما مها المسكينة كانت مش قادره حتي ترمش من الخوف والصدمه "
احمد بغضب :ما عندكن رد ولااا... بااااهييي.... خمس دقايق يا مها وانتي بنت امك ما تلحقيني غاادي اتشوفي نهارك كيف انخليه ليك ليييل " وطلع وخلاهن "
مها بعد طلع احمد طول طاحت امقعمزه في الارض.... والبنات كلهن انخلعن منها
(طبعا هذا كله ومزال ما حطن الغداء .... عفوا عفوا حبيت انغيرلكم جوكم في كل هذي الصدمات ... انكملوو 😰)
مهاا بخوف وكانت تبكي : اني انتهيت ياا بناات... والله العضيم انتهيت 😭.... يا ربييي يا ريتني متت ولا تكلمتتت 😭
رواسي ووجهها اصفر :اهدي حبيبتي مها اهدي
مها تبكي :حيييي عليا من الاكييد توه بيعدي بخبر بابا ومحمد... شن اندير اني يااريتني متت ولا تكلمت..... يااا ربي ساعدني ياا ربي
اروي بخوف :مها حبيبتي نوضي استجمعي قوتك وامشيله.... راهو احمد كان عصب معاش يعرف شن ايدير.... وما اتخاففيش مستحيل يحكي لحد علييك.... ومهما قالك اعرفي انه امعصب بس....
مها تبكي :حييي عليا كيف بنقابله... يا ربي ساعدني يا ربيي 😭
وقفن رواسي & اروي مها... ومشتله بخطوات بطيئة وبصعوبه... 😭😭😖
اساور قعمزت :يا بنات رجليا معاش حاملاتني من الصدمه من وين جي هذا وكيف خش واصلن كيف صار هذا كله
رواسي بخوف :اني بروحي ما فهمت حاجه الدنيا خشت في بعضها
ميسون ووجهها اصفر :اني ابنطلع يا بنات اقسم بالله انحس في النفس غم عليا
أنت تقرأ
انا لست لأحد 🚫
Юморالسلام عليكم ...نعطيكم إشويه تلميحات علي القصه طبعا هذي القصه خياليه من نسج الخيال.. روايه خفيفه ظريفه فيها الكوميديا و الرومنسيه واشويه من المشاكل الاجتماعيه وطبعا ما ننساش العبره و الموعضه يلي فيها وحايكون فيها واجد قصص من الواقع ... وهيا تحكي...
