~ضياء الروجيد~ |مكتملة|

الجزء 3

ملامحو كا تبين على انه غير مهتم و لكن العكس..
مياسين:اممم الفضاء
شافت فيه و كملات كلامها
مياسين:حلمت بالفضاء شحال من مرة..و فاش كا نرسم كا نلقا راسي كا نرسم على الفضاء بدون وعي..واش المشكل لي واقع ليك متعلق بالفضاء ؟؟؟
أصيل:غادي نمشي نعس
ناض و خلاها بوحدها
مياسين:إذن "الفضاء"
تبعاتو و توجهات للغرفة ديالها..لأنها عارفة إلى زادت سولاتو..غادي تلقا ردة فعل غاضبة..
بعد ما مرت هاذ اليلة الغامضة..جاء صباح و المكان المتواجدين بيه زاد تبين..و وضاح أكثر..و اتضح انهم في مكان بعيد..جبال و حقوول..فقط و المدينة كا تبان بعييدة...

*******

ساعات و هما كا يبحثوا في ديك الغرفة الغريبة..روسيل كا يقرا الأوراق بتأني و عاطي أهمية لكل شيئ..لأن هاذ الغرفة متعلقة بواليديهم..و مرة مرة كا يبتاسم لأن على الأقل..حالفهم الحظ يلقاو خيط يوصلهم بوالديهم..أما رووجدا..كا تقلب في حاسوب بنفاذ صبر و بكل عصبية
روسيل:دابا شنو خاصنا نقلبوا في الأول؟
روجدا:طريقة نحركوا هاذ المركبة و نرجعوا..أصلا هذا هو الهدف..
روسيل: و لكن ممكن نشوفوا أشياء أخرى متعلقة بوالدينا..عاد نشوفوا المركبة
روجدا(تنهدات بعدم صبر):انا عارفا..بغيتي تسترجع الذكريات مع والدينا و تزيد تعرف عليهم..و لكن حاليا خاصنا نرجعوا للأرض..و من بعد خود وقتك الكافي و قرا هادشي كااامل..و ابحث كيما بغيتي..أنا أهم حاجة عندي ما نبقاش هنا واخة؟؟
حرك راسو ببطئ و حط ألبوم الصور لي كان على وشك يفتحوا..و مشا هز حاسوب آخر كا يقلب..حتى سمع صرخة روجدا..
روجدا:و أخييييرا..
حول النظرة ديالو للشاشة الحاسوب لي خدامة فيه..
روسيل:شنو لقيتي ؟
روجدا: ملف..فيه معلومات
روسيل: 200 صفحة
روجدا:ماشي مشكل صبرنا أعوام..نزيدو نصبروا ساعات أخرى..كمل في البحث ديالك..هاذ الحاسوب لي عندي ديال الأب ديالنا..إذن نتا عندك ديال الأم ديالنا
روسيل ابتاسم للمعلومة لي عطاتو..لأنه ما ردش البال..حتى لمح اسمها مكتوب

روسيل(بصوت مسموع):ايفين
و دار شاف في روجدا مباتسم..ردات عليه بنفس الابتسامة..و ردت عليه
روجدا:آدم
و كل واحد فيهم رجع للعمل ديالو..روجدا بنظاراتها..لي ناسبو وجهها..حاطا مرفق يديها على فمها و كا تقرا بتركيز..و ورقة بيضاء حداها..كا تكتب فيها المعلومات المهمة..
حتى وصلات للرسم هندسي للمركبة..ناضت بسرعة جات طباعة و خرجات الورقة بسرعة..و بدات كا تحقق فيها..و عاودات رسماتها..و كا تحاول تفهم..
روسيل:الى عرفنا الطريقة باش نرجعوا..فين غادي نزلوا ؟إنا دولة؟و واش ما غاديش يحصلونا..
روجدا:هادشي لي كا نفكروا فيه..انا متأكدة حتى هما فكروا في نفس الشيئ و داروا احتياااط..ما تنساش كانوا أذكياء أضعاف..قلب مزيان..و ركز على الأشياء لي غادي نحتاجوها

تنهد روسيل و حس أنهم غير كا يخربقوا..و هادشي ما ليه حتى حل..اولا مخرج..كانوا العديد من الملفاااات المحفووظة..و كا يرتبهم من الأكثر أهمية لأقل أهمية..
ساعات و هما كا يقلبوا و يقراو..روجدا مرة توقف طبع شي حاجة و ترجع تجلس..و روسيل ما بين الحاسوب و الأوراااق..
و كل مرة واحد فيهم كا يوري للآخر لما توصل إليه..و في الأخير..روسيل لقا فيديو و بسرعة وراه لروجدا..الفيديو فيه والديهم كا يشرحوا طريقة قيادة المركبة..