روسيل:ما يمكنش نثيق في شخص في مدة قصيرة
مياسين:حتى أنا ماكاثيقش فيا ؟
روسيل:نتي كا ثيقي فيا ؟
مياسين:أنا لي طرحت هاذ السؤال في الأول
روسيل:كما نتي ما قادراش تجاوبي على هاذ السؤال حتى أنا نفس الشيئ..
مياسين:طريقة كلامك بحال ختك تقريبا..
روسيل:شيئ طبيعي حنا توأم
مياسين:اه و لكن هي بعض المرات هضرتها وقحة..بدون إهانة و لكن ختك ما باينش عليها أنها التوأم ديالك..نتا ضريف و كا تحترم الناس و هي لا..
و لثاني مرة روسيل ما بغاش يسمع هاذ الهضرة على ختو..و زفر بعمق
روسيل:باقي ماشفتيش جانبها الجميل و اللطيف..هي كا تصرف هكذاك مع الغرباء..أما هي قلبها أبيض
سكتات مياسين حيت فهمات بلي مابغاش يسمع هضرة خايبة على ختو..حتى أنه كا يجاوبها باحترام و بطريقة لطيفة باش ما تفهمش بلي كا يقمعها..و ابتسمت..روسيل حاول يبدل الموضوع و أشار لرسومات مشتتة فوق مكتبها..شاف فيها بفضول كا يتسنا منها إذن..حركات راسها بموافقة و اتجه للرسومات كا يشوف فيهم بانبهار
روسيل:رسوماتك زوينة بزاف
مياسين:شكرا
روسيل:كل مرة كا ترسمي شيئ مختلف
مياسين:اه على حسب نفسيتي..أو الوضع لي أنا فيه
روسيل:يعني ؟
مياسين:الى كنت مقلقة أولا مكتئبة فكا نرسم غير باللون الأسود و الرمادي
روسيل:همم رسومات غريبة و لكن ليهم معنى بالنسبة ليك..و لكن قبل ما تكملي كلامك.. كيفاش مكتئبة نهار على نهار كا نكتاشف كلمات جديدة..شنو الفرق بين مقلقة و مكتئبة؟
مياسين:علاش أيدي ما علمكش المشاعر ؟
روسيل:الصراحة كان كا يبغي يطالعنا على هاذ الأشياء و حتى القيم الإنسانية و لكن روجدا كا ترفض
مياسين:علاش ؟
روسيل:كانت حاقدة..مهم شرحي ليا
مياسين:غادي نشرح ليك على حسب منظوري الشخصي..حيت كل واحد و كيفاش كا يعتابر الاكتئاب..المهم بصفة عامة الاكتئاب هو اضطراب كا يجيك ملي كا تحس دائما بالحزن و الفراغ..و كا تفقد الأمل و الحماس في أي حاجة..و كا يأثر على تفكيرك كا تحس براسك فاشل و ما عندك حتى أهمية في هاذ الحياة..و على سلوكك كا تبقا ساكت و ساد عليك في الغرفة ديالك و كا تقدر تآذي ناس قراب ليك بغاو يعاونوك و نتا تقمعهم أولا تحسسهم بانهم هم السبب خاصة الوالدين..و الاكتئاب فيه أنواع..و مثلا الاكتئاب الحاد خاصك تمشي عند طبيب نفسي غادي يعاونك
روسيل:طبيب نفسي ؟ شنو كا يدير مثلا ؟
مياسين:كا يجي المريض لي صافي فاقد الأمل و واصل لواحد المرحلة من الحزن سوداء..كا يمشي غير باش يهضر..يهضر على مشاكله و أفكاره و أي حاجة كا يحس بيها..و الطبيب الدور ديالو يحتفظ بأسرار المريض و يسمع ليه بدون ملل..
روسيل:صافي غير هادشي لي كا يدير ؟
مياسين:و كا يعيطك أدوية و مهدئات..
روسيل:كا تحيد منك الاكتئاب ؟
مياسين:لا..و لكن مثلا الى كان الشخص كا يفكر بزاف و ما كا يقدرش ينعس..أو دائما متوتر..فدوك الأدوية كا يساعدوه
روسيل:و شنو الفرق بين الحزن و الاكتئاب
مياسين:الاكتئاب شرحتو من قبل..و الحزن كا يبقا فترة صغيرة و كا يمر..و ملي كا نقزل فترة غير ساعات اول أيام قصيرة..غير ذلك فهو اكتئاب..و حاليا كل واحد و كيف كا يفرق بيناتهم و كيف كا يشرحهم..و حيت أنا مريت بهاذ التجربة..شرحت ليك برأيي الشخصي..قلب في جوجل أولا يوتيب و ممكن تلقى أطباء دايرين فيديوات كا يشرحو
روسيل(بتساؤل):يوتيوب ؟ جوجل ؟
مياسين(بصدمة):مستحييل مستحييل ما تكونش عارف هاذ التطبيقات..ما فهمتش والديك علماء أذكياء..حياتكم دازت مع روبو..في المركبة ديالكم كانوا بعض الحواسيب..و ما عارفش جوجل و يوتيوب
روسيل:اه والدينا أذكياء..و كانوا عندنا حواسيب و لكن كانوا مبرمجين بالطريقة لي بغاو والدينا..كانوا فيديوات مسجلين و ملفاات و كتب و مستجدات..معلومات كثيرة و محدودة في المجال لي بغاو والدينا نتعلمو
مياسين:غريب أمركم..المهم ما بغيتش نقاطع حديثنا و بغيت نوريك و نعلمك الكثير من الأشياء..و لكن أصيل يقدر يجي في أي لحظة..و ما نضمنش ليك ردة فعله غادي تكون لطيفة الى شافك في الغرفة ديالي
روسيل:كا تحسي براسك مزيان دابا ؟
مياسين:اه بسبب الحديث ديالنا لي خلاني نسا..شكراا
روسيل:العفو..نخليك دابا
ابتاسم ليها بخفة و خرج خلا قلبها كا يضرب بسرعة
مياسين:روسيل..(سكتات لثواني و كملات)مختلف بزااف..
أنت تقرأ
~ضياء الروجيد~ |مكتملة|
Romanceرواية رومانسية كوميدية ..تحكي قصة حب و هوس بين عالمين ذكيين قرروا يعيشوا في الفضاء بحثا عن السلم و الأمان..لكن ما كانوش متوقعين أن أنانيتهم غادي تغير مجرى مستقبل أبنائهم التوأم..لي غادي يواجهوا صعوبات لوحدهم في الفضاء بعد موت والديهم..و صعوبات باش ي...
