~ضياء الروجيد~ |مكتملة|

الجزء 29

من المضحك كيف كا تغير أفكار الإنسان و قراراته لي وجد ليهم و فكر فيهم أعوام و أعوام..و في بضعة أشهر كا تغير بسبب أشخاص و ظروف..ظهرو بطريقة مفاجئة و غير متوقعة..
قبل أشهر كانوا باغين يتلاقاو بعائلتهم و يتعرفو عليهم..يبقاو معاهم مدة بين ما ولفو و من بعد يستقرو بوحدهم..
و دابا الهدف لي كانو راسمينو واقف أمامهم كا ينادي عليهم..و لكن الآن كلشي تغير..
شافو في بعضياتهم..كا يأكدوا بأعينهم على أنهم فكرو في نفس الشيئ..و الآن كا يفكرو في طريقة الجواب بدون تجريح للمشاعر..
روجدا:نقدرو نجيو نشوفوكم و نبقاو معاكم أيام قليلة..و لكن باش نعيشو معاكم للأبد(كا تفكر كيفاش توصل الفكرة)احم ما نقدروش
ماري(تفهماتهم):ماشي مشكل و ما غاديش نسولكم على السبب..كا تهمني سعادتكم و راحتكم و بغيت نزيد نأكد بلي عندكم مكانة وسطنا و تقدرو تجيو و تمشيو وقت ما بغيتو..نتوما جزء من العائلة..

بقاو كا يهضرو..هي كا تسول على أحوالهم في هاد الأعوام الماضية..و هما كا يحاولوا ما أمكن ما يجبدوش الفضاء و يكذبوا على أساس أنهم كانوا عايشين مع ريني و كان مهلي فيهم..و ماري تيقاتهم و فرحات بأنهم عاشوا مزيان رغم فقدان والديهم..و بأن ريني ما تخلاش عليهم و بقا معاهم..
ماري:أجيو معايا للدار دابا..العائلة كاملة مجموعة بسبب مناسبة..و منها نيت تعرفوا عليهم و حتى هما باغين يشوفوكم..أصلا من الأول السي أصيل قاليا غادي يجيبكم نتوما لعندنا..و لكن خفت ما تبغيوش و قلت نجي أنا و نسولكم..دوزو معانا هاد النهار الى بغيتو ؟
روسيل:نمشيو معاك..علاش لا ؟
و حتى روجدا ابتسمت موافقة الرأي ديالو..

***

بالفعل راافقوها لمنزلها..و لكن هاد المرة بدون أصيل و مياسين..أصيل اعتبرها مسألة عائلية خاصة..و فضل أنهم يمشيو بوحدهم و يستمتعو بوقتهم مع عائلتهم..
هاد اللحظة كانوا كا يتسناوها لمدة..خاصة روسيل لي كان دائما كا يهضر بحماس على اليوم لي غاي يتلاقاو بيهم..عكس روجدا كانت كا تبين بلي حاقدة عليهم و لكن في الداخل ديالها حتى هي باغا تلاقا بيهم..و تعوض داك الحنان و الدفئ من موت والديها..
و ها هي الآن مع روسيل..في أحضان عائلتهم..لي استقبلوهم بصدر رحب..و بأحضان..بينو الحب ديالهم و افتقادهم لايفين و ليهم..و التوأم فرحو لأنهم تلقو ترحيب رائع من كل فرد..و جربو إحساس أنك تكون عندك عائلة تسول على أحوالك..و تعنقك..
مر اليوم في جو دافئ..التوأم وسط عائلتهم لي تعرفو عليهم..و ما ظنوش أنهم غادي يكونوا بهاد اللطف

روسيل:صدفة ؟
روجدا:أن لحظة تعرفنا على عائلتنا..تزاد فرد جديد فيها
روسيل:و سماوها ايفين..
روجدا:هادشي كا يدل و بطريقة غير مباشرة أنها معانا في أي خطوة كا نمرو منها..
روسيل:معانا دائما..
روجدا:و حتى حنا غادي نبقاو نتفكروهم دائما..
عنقها من كتفها..و هي هازة الطفلة"ايفين" بين ذراعيها..كا يشوفوا فيها بلمعة في أعينهم..تفاجئو بلقاء عائلتهم و تفاجئو أكثر بازدياد مولودة جديدة باسم والدتهم..