~ضياء الروجيد~ |مكتملة|

الجزء 8

روجدا:بغيت نشوف المركبة
أصيل:أصلا كنت متوجه ليها باش نعرفو فين وصلوا في إصلاحها..
روجدا:مزيان..بغيت نمشي
مياسين بعد ما اخترقت السمع لحوارهم
مياسين:حتى أنا بغيت نمشي
أصيل خنزر فيها
روجدا: و روسيل غادي يمشي معايا..أما الأخت ديالك ما يمكنش ليها تمشي
مياسين:علاش ؟
روجدا:حيت هاذ المسألة ما كا تهمكش
روسيل كا يشوف مباشرة في أعين روجدا..و حتى هي كا تشوف فيه بتحدي
أصيل:غادي تمشي
مياسين شافت فيه بصدمة لأنه دائما كا يرفض تخرج معاه هو بالضبط و خاصة لمكان متعلق بالخدمة ديالو..دائما كا يحاول ما أمكن يخليها بعيدة..و لكن مياسين دائما فضولية..و هو الآن خلاها تمشي معاهم..حيت روجدا استفزاتو بالطريقة لي كا تهضر بيها..نبرة كلامها فيها أمر..

*************

في مكان بعيد و في مكان خالي من الناس..واقفين أمام مستودع كبيير..و مياسين متفاجئة و في نفس الوقت متحمسة..كا يعجبها تكتاشف هاذ الأماكن..و تزيد تاخذ أفكار على عمل الأخ ديالها..دخلو للداخل بعد ما دخل رمز السر على الخارج..و لاحظو وجود الكثير من الكاميرات..و بعد دخولهم..كان المكان كبير..تمشاو في ممر طويل كلو مظلم حتى وصلوا لنهايته و تما كانت المركبة مع بعض الأشخاص كا يصلحوا فيها..روسيل و روجدا أثار إنتباههم أيدي و اتجهو نحوه بسرعة..
روسيل:أيدييييي
أيدي:صديقي
روجدا:مع كامل الأسف قدرو ينقذوك..
روسيل(مخاطب أصيل):علاش خليتي أيدي هنا ؟ و ما قلتيهاش لينا ؟
أصيل:كا يعاونهم باش يصلحوا المركبة..
روجدا بلاما تكلم اتجهت للمركبة و الآخرين تبعوها..وقفات على الأشخاص لي كا يصلحو فيها كا تشوف فيهم..ضارت شافت في أصيل بتساؤل
روجدا:شكون هاذ الأشخاص؟ و باش عرفتي غادي يقدرو يصلحوها
أصيل: عاونوا والديكم في إنشائها..إذن ماغاديش تصعاب عليهم في إصلاحها..

نص المركبة محطم الشيئ لي صدم التوأم..و حتى مياسين مصدومة بحيث أول مرة كا تشوف مركبة فضائية أمامها بحجم كبير..توجهات روجدا لجهة من المركبة ناوية دخل ليها..و أصيل من موراها متبع تحركاتها..روسيل قرر يمشي لجهة أخرى معاكسة شاف مياسين واقفة مربعة يديها..ظاهر على ملامحها الفضول..و الرغبة في الدخول..لكن مترددة..خوفا من أصيل..و في نفس الوقت ما بغاتش تتدخل في خصوصيات ما كا تعنيهاش..هادشي كامل قدر يفكر فيه روسيل..قرب منها ببطئ و شد ليها يديها
روسيل:يالاه معايا
حولات نظراتها ليديه لي شادين يديها..حسات بقشعريرة في جسدها..يالاه بغات تهضر..و لكن سبق و جرها من يديها و دخلو للمركبة..

روجدا(بغضب):فين هما حوايجنا..و الأشياء ديالنا ؟
أصيل:خبيتهم..باش يصلحوا المركبة على خاطرهم
روجدا: فين حطيتيهم ؟ شفتيهم ياك ؟
أصيل:ما كا نتدخلش في خصوصيات الغير..أي حاجة كانت في هاذ المركبة سواء مكسرة اولا لا..خليتهم باش تشوفوهم
روجدا:ما كا نثيقش فيك
أصيل:للأسف حتى أنا ما كا نطلبش منك ثيقي فيا..و للمرة الثانية غادي نقولها كاين شخص مشترك بيناتنا"ريني"