و بعد أيام قليلة..الآن متواجدين أمام المطعم الفخم لي متأكدين أن رئيس العصابة غادي يكون فيه..و هادشي عرفوه عبر التحريات و البحث..إلى جانب معلومات أخرى..لأن فقط تحدد موقع شخص يمكن تحط جاسوس..يتبع خطواته بعيانة بلاما يحصلو..و تعرف عليه بزاف ديال المعلومات..و هادشي لي دار أصيل..
و قبل ما يدخلو للمطعم..طبعا أصيل لازم يفكر روجدا بالتعليمات..و يزيد يوصيها حيت عارف طبعها
أصيل:ما نبغيش أي تهور
روجدا: ما كا تيقش فيا ؟
أصيل:لا
روجدا:وا صافي ياك هي غير رقاقة صغيرة
أصيل:شكون قالها ليك ؟
روجدا(بابتسامة شريرة):ريني
أصيل:شنو درتي ليه حتى خليتيه يقول ليك هاذ المعلومة؟
روجدا:كا ضلمني..غير كنا كا نهضرو..و صافي بقيت كا نسولو بزاف تخربق و جاوبني..و لكن حسيت بيه من الأول بلي ما باغي يقول ليا والو
أصيل:هاذ الطريقة ديالك ما غاديش تمشي عليا أنا..
روجدا:نكتاشف تقطة الضعف ديالك و نستعملها..
و دخلوا للمطعم..و روجدا كا تمشى بجانبه..تحت أمره طبعا..دور عينيه ببطئ كا يقلب على الطاولة لي غادي يكون متواجد فيها..بعد ما لقاه..كانت طابلة فارغة قريبة ليه..و قرر يجلسو فيها..
روجدا كا تشوف فيه بنظرات كلها حقد و كره
أصيل:ما تبقايش تشوفي فيه..غادي يحصلك
روجدا:داير بحال البرميل..شنو بان ليك تقتلو دابا و تهني البشر منو ؟
أصيل:أفراد العصابة غادي يبغيو ينتاقمو
روجدا:قتلهم كااملين..
أصيل: و هكذا غادي نحل المشاكيل ؟ نقتل الأرواح ؟
روجدا:غادي تقتل أرواح لي أصلا قتلوا أرواح من قبل..
أصيل:هادي ماشي هي مهمتي..شرحت ليك من قبل..
دازت دقائق و هما كا ياكلو..و روجدا ما قدراتش تصبر
روجدا:غادي نمشي للطواليط
وقفات و قبل ما تكمل خطواتها شدها أصيل من يديها و شاف فيها بنظرات كا دل على التحذير..و من بعد طلق منها..
و في طريقها للحمام و لحسن حظها..رئيس العصابة ناض من مكانه..أبطأت من خطواتها و قربات ليه..بجوجهم كا يتمشاو بشكل منعكس..ما بقا كا يفصل بيناتهم غير مسافات قليلة و تلاحت عليه..كأنها تعكلات..و هو بعفوية شدها قبل ما طيح..استغلت اللحظة و حطات يديها في ظهرو و لسقات الرقاقة..لي كانت صغييرة بزااف و ما كا تبانش..غير لسقاتها وقفات بسرعة..
روجدا:شكرا..عتقتيني كنت غادي نطيح و البيبي ديالي غادي يزلق..
ر.ع:يزلق؟
روجدا:اه حيت أنا حاملة..
و من زاوية أخرى أصيل و مياسين و أشخاص آخرين متواجدين معاهم..كا يسمعو لكلامها عبر السماعة لي حاطاها في جيبها..تحسبا لأي شيئ يقدر يخرج على السيطرة
روسيل(بصدمة):حاااملة ؟؟ واش أنا بوحدي لي سمعتها قالت حاملة ؟؟
مياسين: و قالت بيبي
روسيل:شكوون لي حملها؟
مياسين:باينا أصيل..دابا أنا غادي نولي عمة ؟؟ و مرت خويا هي ختك(استوعبت الفكرة) لا لا ما بغيتش ختك
ريني:كا نظن هذا غير سوء فهم..سكتو خليونا نسمعو
وقف عليهم أصيل..و حط يديه على ظهرها مزير عليها بأصابعه..
روجدا:و هذا زوجي الفضائي..
روسيل:مزوجييين؟؟؟
ريني:ما تشوفش فيا..حتى انا ما فاهم والو
مياسين(شاداها البكية):وا لا ما بغيتش روجدا تزوج بخويا
روسيل:مزوجيين و حاااملة ؟؟؟؟
أنت تقرأ
~ضياء الروجيد~ |مكتملة|
Storie d'amoreرواية رومانسية كوميدية ..تحكي قصة حب و هوس بين عالمين ذكيين قرروا يعيشوا في الفضاء بحثا عن السلم و الأمان..لكن ما كانوش متوقعين أن أنانيتهم غادي تغير مجرى مستقبل أبنائهم التوأم..لي غادي يواجهوا صعوبات لوحدهم في الفضاء بعد موت والديهم..و صعوبات باش ي...
