~ضياء الروجيد~ |مكتملة|

الجزء 41

ثقتهم بنفسهم بلي غادي ينجحو في ذاك الاختبار..صحيحة و في محلها..
نجحو في اختبار القبول..مياسين و أصيل فرحانين ليهم..و في نفس الوقت كانوا عارفين بلي غادي ينجحو فيه..
مياسين:باقا كا نعقل هاد الجامعة كنت باغا ندخل ليها..و طبعا رسبت في الاختبار(بتهديد)ما تحاولوش ضحكو عليا..حيت جبت 65%..و فغيمون درت مجهود..و لكن كا يبغيو الأذكيااااء..
أصيل:و نتي ذكائك على قد الحال
مياسين:على الأقل حاولت و جربت..المهم باقي خاصكم تختارو الشعبة و دوزو اختبار للقبول فيها
روجدا(شافت في أصيل):ياك قلتي كاين اختبار واحد ؟
أصيل:هذا اختبار للولوج للجامعة فيه أسئلة عامة..و في جميع التخصصات..أما الاختبار غادي يكون فيه أسئلة..خاصة بالتخصص لي اختاريتو فقط..بدون زيادة أو نقصان..كاين فرق آخر بين الاختبارين..الاختبار التاني فيه 3 فرص..يعني الى ما نجحتيش في اختبار باش تقرى شعبة معينة..فعندك الحق تختار شعبة أخرى مغايرة على الأولى..و دوز فيها اختبار آخر..و عاوتاني اختبار ثالث في شعبة أخرى..الى ما وافقكمش الحظ..ولكن 3 ديال الفرص فقط..
روسيل:واش هاد القوانين كاينين في الجامعات الموجودة في العالم كامل ؟
أصيل:كل جامعة عندها قوانينها..و السيستيم للدراسة الخاص بيها..
روجدا:ضروري نقراو غير تخصص واحد؟ ما يمكنش نقراو أكثر في نفس الوقت ؟
مياسين:ما غاديش يكون عندك الوقت..هاد الجامعة كا يزيرو بزاف..programme و الوقت غادي يكون عامر..و الحضور ضروري..
روجدا:أنا إنسانة حرة و كا نبغي ندير لي بغيت في الوقت لي بغيت..صافي ما بقيتش باغا نقرا
أصيل(عارف أنها متحمسة أنها تقرا):متأكدة ؟؟
روجدا(بتذمر):اووف..
مياسين:اختاري التخصص لي غادي تكوني مرتاحة فيه.. باش تستمتعي و نتي كا تقرايه..
أصيل(كمل في نفس المنوال):التخصص لي غادي تقدرو تعطيو فيه..و ما غاديش تملو منو..و تكونوا راضيين عليه و مرتاحين و نتوما كا تقراو..
حركو راسهم بتفهم..
***
الاختيار المناسب ليهم بجوج هو "علم الفلك" لأسباب معينة..بغاو يكملو في خطى والديهم..و لأنهم مهتمين بهاد المجال..كا يعجبهم يكتشفوا أشياء جديدة..أو يحلوا ألغاز و ظواهر على الفضاء..لي عاشوا فيه مدة طويلة..
و ما كان على أصيل و مياسين سوى تشجيعهم..أصلا كانوا متوقعين هاد الاختيار..
قدرو يجتازو الامتحان و ينجحو فيه..فرحو بزاف حسوا أنهم بداو كا يحقوا أهداف مهمة في حياتهم..
التأقلم في الجامعة و مع الطلبة ما كانش صعيب أو مستحيل كما كانوا متوقعين..بالعكس قدرو يكونو أصدقاء..
صديقتين لروجدا لي كا تعتابرهم ضريفات بزاف..و تعرفات عليهم غير بالصدفة..و صديق لروسيل ولاو أصدقاء بعد بحث تختارو يديروه و يتعاونوا عليه بجوج..
عجبهم جو الدراسة..و طريقة التدريس..حتى البروف كا يتعاملوا معاهم مزيان..

و من ناحية أخرى علاقة مياسين و روسيل بدات كا تجدد..روسيل كا يحاول ما أمكن يبين ليها بلي كا يهتم ليها و كا يبغيها..و مياسين كا تحاول تفهم التلميحات و تقدر المجهودات البسيطة..المجهودات من كلام و أفعال..
روسيل و أصيل قدرو يهضرو بوحدهم بخصوص علاقة كل واحد بأخت الآخر..و كل واحد تايق في الآخر..
أصيل ما بقاش مشدد الحماية عليهم كيف قبل..لأن الخطر نقص..كاينة هدنة في المنظمة..الشيئ لي خلاهم يغتانمو هاد الفرصة..و يخرجو أكثر..سواء مجموعين أو على شكل ثنائي..الأهم و تحت أمر أصيل..ما يخرج حتى واحد بوحدو..
أصيل و مياسين خرجو مرة أخرى بوحدهم.. و الخرجة غير بوحدهم كا تعتابرها مياسين "موعد"..و تصدمات من موافقة أصيل على خروجهم غير بجوج..و تصدمات أكثر موافقته على العلاقة..