~ضياء الروجيد~ |مكتملة|

الجزء 44

من العادات لي التوأم ولفوها..أو يمكن القول بلي إجابرية باش يديروها..و هي زيارة أقاربهم..عائلة الأم ديالهم..لي اتفقوا معاهم باش يشوفوهم على الأقل مرة في الأسبوع..و التوأم ما كان عليهم غير يوافقوا بكل سرور..
و اليوم مختلف..لأن بعد ما عرفات خالتهم بخبر طلب الزواج لروجدا..قررات دير ليها حفلة الخطوبة غادي يكونوا فيها ضياف قلال..تحت طلب روجدا..

بفستانها البسيط الأبيض لي عاطتو ليها خالتها..
الفستان كا ينتمي للأم ديالها..لبساتو حتى هي في حفل خطوبتها و بقاو محتافضين بيه للابنة المستقبلية
روجدا عجبها..تخايلات الأم ديالها لابساه..
ماري:ايفين طلباتني نحتفظ بيه..لربما توقع شي حاجة في المستقبل و ما تقدرش تعطيه ليك بنفسها..كانت حاسة..
روجدا:الفستان زوين بزاف..بسيط و مريح..
ماري:ملي ماتت عطاوني خاتم الزواج ديالها..و حتى هو خاصك تاخديه..
روجدا:أنا شريت الخاتم..
ماري:و لكن ضروري ولادها فقط لي خاصهم ياخدوه..
روجدا:إذن خليه لروسيل..(بتدقيق)لزوجة روسيل المستقبلية..
ماري(برضى):متأكدة ؟
روجدا:متأكدة..
ماري:نتسناو هاد سعيدة الحظ..
روجدا(في خاطرها):قريب تعرفيها..
و انضمو للعائلة لي كانوا مجموعين..و منهم أصيل و مياسين و روسيل لي كانوا كا يتسناوها..و جلسات بجانب أصيل..
ماري خبراتهم بقصة الفستان و تأثرو بيه..
أصيل(بصوت منخفض):الفستان زوين..
روجدا:غير الفستان ؟
أصيل(ضحك):الفستان بينك زوينة..
روجدا:عندك مشكلة في تركيب الجمل..
أصيل:حتى المجاملة تحكري عليها..

الجدة(عينيها مغرغرين):كون غير بقات معانا ايفين..باش تعيش هاد اللحظة المهمة..
ماري:أستغفر الله..شنو هاد الكلام تاني..
الجدة:خطوبة بنتها و ماغاديش تكون فيها..
ماري:ماما بغينا نفرحو هاد الأمسية..
الجدة:فراقها مازال صعيب عليا..و أي حاجة كا تفكرني فيها..غير كا نشوف روجدا كا نتوهمها هي بلااصتها..
ماري:حتى واحد فينا ما ساهل عليه فراقها..واش غادي نحسو بيه أكثر من أولادها ؟ (حابسة البكية) لي محتاجين ليها أكثر منا..خلينا نفرحو بروجدا بلاما نجبدوا المواجع..
سكتات و بداو كا ياكلوا في صمت تام..
مياسين و أصيل مراقبين تعابير التوأم..كا يحاولوا يعرفوا فاش كا يفكرو..و معرفة ذلك صعيبة لأن وجههم بدون تعبير..
أصيل حس بروجدا كا تاكل بزز منها..باغي يهضر..باغي يعنقها..و لكن ما يقدرش أمام الجميع..اكتفى يحط يديه فوق يديها الموضوعة على فخدها..و يحركها ببطئ..هادي هي الوسيلة الوحيدة لنقل الاطمئنان..
الجو ولا مكهرب..و لكن ماري بغات روجدا تكون فرحانة..تشعلات الموسيقى..البعض بدا كا ينوض يشطح باش يبينوا لروجدا بلي فرحانين ليها..و ماري بدات كا تنوض فيها بزز..
ماري:كا ترفضي خالتك ؟
روجدا:ما كا نعرفش..
ماري:أنا كا نعرف..
ضحك أصيل..و عاون ماري حتى قدرات تنوضها..و روجدا كا تشوف فيه بنظرات القتل..
ماري شاداها من يديها و كا تحرك فيها..و هي ما عارفاش شنو دير من غير تصفق..و باغا غير ترجع تجلس..إحراجها ضحكهم كاملين..و بغاو يحرجوها أكثر..دارو دائرة و هي الوسط..تحرجات أكثر..
مياسين(كا تشوف فيهم و كا ضحك):ناري شوفو وجهها..
أصيل:تنزكات..
روسيل حتى هو كا يضحك و كا يصور فيها فرحان..
في ديك الدائرة كل مرة كا يدخل واحد يرقص معاها..و يدور فيها..حتى عجبها الحال..و بدات كا تبتاسم..